INṬANNA 2:2 - Pathien Lekhabu Inthieng (BSI)

² Chun, Pathienin ni sari nia chun a thilsiem chu a thaw zo a; ni sari nia chun a thilsiem po po chu a châwlsan ta a.

INṬANNA 2:2 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

INṬANNA 2:3

Chuongchun, Pathienin ni sari ni chu mal a sâwm a, ân ser ta a: chu ni chun Pathienin a thilsiem po po, thu ngawta a siem le kuta a siemhai chu a châwlsan ta leiin.

FESUOKNA 23:12

Ni ruk sûng chu i sin thâwng i ta, ni sari ni ruok chun i bâwngchal le i sabengtung khawm chu an sâwldam theina ding le, i ina pieng i siehlawnu naupa le hnam dang mi khawm chu an insukhar theina dingin i châwl ding a nih.

FESUOKNA 31:15

Ni ruk sûng chu sin thaw ding a na, ni sari ni ruok chu châwl ṭawk ṭawk ni, Lalpa kuoma inthieng, châwlni chu a nih. Tukhawm chu châwlnia sin iengkhawm thaw taphawt chu sukhlum a ni ngei ding a nih.

FESUOKNA 31:17

Kumkhuoin Israel mipuihai le keia inkâra inchikna ni zing a tih: Lalpa chun ni ruk sûngin hnuoi le vân a siem a, ni sari ni chun a châwl a, ân suksâwldam ta si a,’ a ti a,” tiin.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le Lalpa ni inthieng chu inzaum i ti a, mâni lampui hraw lova, i chawimawi chun,

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

DÂN PAHNINA 5:14

A ni sari ni ruok chu Lalpa i Pathien ta dinga châwlni a nih; chu ni chun sin hrim hrim i thaw ding a ni nawh, nangma khawma, i naupa khawma, i naunu khawma, i suokpa khawma, i suoknu khawma, i bâwngchal khawm, i sabengtung khawm, i ran a ieng khawma; i ina ram dang mihai khawmin; nangma ang bawka i suokpahai, i suoknuhai khawm an châwl theina dingin.

HEBRAIHAI 4:10

A châwlnaa lût ta chu, Pathienin ama sinthawhai a châwl san ang khan ama khawm chun a sinthawhai a châwl san ve ta a.

HEBRAIHAI 4:4

Khâwlai hmuna manih ni sari ni thu hieng ang hin a hril a nih, “Chun, ni sari nia chun Pathienin a sinthaw po po a châwl san ta a,” tiin,