INṬANNA 2:19 - Pathien Lekhabu Inthieng (BSI)

¹⁹ Chun, Lalpa Pathien chun pila inthawkin ramsa tinrêng le chunglêng vate tinrêng chu a siem a; an hmingah ieng ieng am ân bûk ding ti hrietna dingin mihriem kuoma chun a ṭhuoi tâwl a; chun, thilhring tinrênghai chu mihriem chun an hming a lo inbûk po chu an hming a ni sawng ta a.

INṬANNA 2:19 ပူးပေါင်းရင်းမြစ်များ

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 6:20

Vatehai anni chi umdân ang sengin, ranhai anni chi umdân ang sengin, thilhring hnuoia bawkinvâk chi tinrêng anni chi umdân ang sengin, chi tin pahni pei a hringa um dingin, i kuomah an hung ve ding a nih.

INṬANNA 9:2

Nangni ṭîna le pawisakna hnuoia sa tinrêng le chunglêng vate tinrêngin nei an ta; chuonghai le hnuoia bawkinvâka lâwn po po le, tuipuia nga po pohai chu, in kuta pêk an ni vawng tah.