INṬANNA 19:38 - Pathien Lekhabu Inthieng (BSI)

³⁸ A naupang lem khawm chun naupasal a nei ve a, a hmingah Ben-ammi a sak a; ama chu tulaia Ammon mihai thlatu a nih.

INṬANNA 19:38 ပူးပေါင်းရင်းမြစ်များ

INṬANNA 20:1

Abraham chu Mamrea inthawk chun Sim ram tieng panin ân tâwl a; Kades le Sur inkârah umhmun a khuor a; Gerarah a um hri ta a.

INPÂKNA HLABU 83:9

Annirawi chu Midianhai chunga i thaw ang dâm, Kison vadunga Sisera chunga i thaw ang dâm, Jabin chunga i thaw ang khan thaw ve rawh.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ZEPHANIA 2:8

Moab mihai hrilsietna le, Ammon thlahaiin an chierkhumnahai, ka mihai an hrilsieta an ramrihai ngeiah an vân suklien thu chu ka lo hriet a.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

DÂN PAHNINA 2:19

chun, Ammon thlahai ep i va tlung hnai pha khawm sukbuoi naw la, thaw bawk naw rawh; Ammon mihai ram chu i puolah ka pêk naw ding che a nih; Lota thlahai puolah ka pêk tah a nih.

DÂN PAHNINA 2:9

Chun, Lalpain ka kuoma, ‘Moab mihai chu sukbuoi naw unla, râl thawin thaw naw ro; an ram chu in puola dingin ka pêk naw ding cheu a nih, Lota thlahai puolah Ar chu ka pêk tah a nih.

DÂN PAHNINA 23:3

“Ammon mihai le Moab mihai chu Lalpa mihai pungkhâwmhai lai chun an ṭhang ding a ni nawh. Suon sâwmna chenin anni laia mi chu Lalpa mihai pungkhâwmhai lai an ṭhang ding a ni nawh;

RORELTUHAI 10:6

Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

1 SAMUEL 14:47

Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon mihai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.