INṬANNA 19:34 - Pathien Lekhabu Inthieng (BSI)

³⁴ Chun, a zînga chun a upa lem chun a naupang lem kuoma chun, “Ngai ta, zâni zân khan ka pa kâwlah ka zâl a; vawizân khawm hin uoin indâwntir nâwk ei ti khai; chun, nang lût la, ei pa suonmawng lova ei siem theina dingin a kâwlah va zâl ve rawh,” a ta.

INṬANNA 19:34 ပူးပေါင်းရင်းမြစ်များ

INṬANNA 19:33

Chuongchun, chu zân chun an pa chu uoin an indâwntir ta a; chun, a upa lem chu a lût a, a pa kâwla chun a va zâl a; ama chun amanu hung zâl lai chu a hriet naw a, a tho nâwk lai khawm chu a hriet bawk naw a.

INṬANNA 19:35

Chuongchun, chu zân khawm chun an pa chu uoin an indâwntir nâwk a: chun, a naupang lem chu a tho a, a kuomah a va zâl ta a; ama chun amanu hung zâl lai chu a hriet naw a, a tho nâwk lai khawm chu a hriet bawk nawh.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.