INṬANNA 19:14 - Pathien Lekhabu Inthieng (BSI)

¹⁴ Chuongchun, Lota chu a fe suok a, a naunuhmeihai neitu a mâkpahai kuoma chun a va hril a, “Tho unla, hi hmuna inthawk hin suok ro; Lalpain khuo hi a sukbohmang ding a nih,” a ti a. Nisienlakhawm, a mâkpahai ngaia chun fiemthu hril ang chau a nih.

INṬANNA 19:14 ပူးပေါင်းရင်းမြစ်များ

INṬANNA 19:15

Vârṭien a hung ni chun vântirkohai chun, “Tho la, i nuhmei le i naunuhmei pahni umhai hi ṭhuoi rawh, chuong naw chun, hi khaw hremnaa hin bohmang ve rawi in tih,” tiin Lota chu an tur ta a.

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a ti a.

INṬANNA 19:22

Inhmaw la, chutaka chun tlân rawh, chu chu i tlung hmakhat chu iengkhawm ka thaw thei âwm si naw a,” a ti a. Chuleiin, chu khaw hminga chun Zoar an inbûk ta a.

2 CHANCHIN SUINA 30:10

Chun, dâkpuhai chu khaw tina Ephraim le Manasse ram sûng po po Zebulun chenin an fe pei a; amiruokchu, hmusitin an lo nuisan a, an lo nuiêu a.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

FESUOKNA 12:31

Azân azânin Mosie le Aron chu a ko a, “Tho unla, Israel mihai le chun ka mihaia inthawkin fe hmang dai ro; chuongchun, fe unla, in ti ta angin Lalpa rawng chu va bâwl ro.

FESUOKNA 9:21

Lalpa thu ngaisaknawtu ruok chun a siehlawhai le ran ruol chu loah ân umtir a.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

ISAI 28:22

Chuongchun, mi hmusit hmangtuhai ni ta naw ro, chuong naw chun, in kawl bunhai chu ringumtakin siem rawi an tih; tâwpna, tâwpna tlung ngei dinga ruot tlat chu, hnuoi pumpui chunga a tlung ding thu, Lalpa, sipaihai Lalpa kuoma inthawk chun ka hriet si a.

JEREMIA 20:7

Aw Lalpa, nang chun i mi lo aikei ta a, ailâkin ka um ta a, nang chu keia nêkin i hrât lem a, i hne ta a, sûnnithlâkin nuizatbûr ka na, mi tin el chun an mi nuiêu a.

JEREMIA 43:1

Chun, hieng thuhai po po, Lalpa an Pathienin an kuoma ama a tirna, Lalpa an Pathien thuhai po po chu mipuihai po po kuoma Jeremia chun a hril zo chun,

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin Lalpa kan Pathien chun a hung tir naw che a;

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

EZEKIEL 20:49

Chun, kei chun, “E, Lalpa Pathien! Ama hi tekhithu hriltu a nih an nâwm a nih? an mi ti el a nih,” ka ta.

NAMBAR 16:21

“Hieng mipuihai laia inthawk hin insiekieng ro; ka hung sukbohmang thut theina dingin,” tiin.

NAMBAR 16:26

Chun, pungkhâwmhai kuoma chun, “Hieng mi suolhai puon ina inthawk dâm hin suok ro khai; an iengkhawm hi tâwk naw ro, chuong naw chun chu an suolna po poa hin ṭhang ve rawi in tih,” tiin a hril a.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

MATTHAI 1:18

Chun, Isu Krista hung insiengzie chu hieng ang hi a nih: A nu Mari chu Josef le an inhuol laiin, an inpâwl hmain Thlarau Inthiengin ân raitir ti an lo hriet ta a.

MATTHAI 9:24

“Suok ro, naupang chu a thi nawh, a in a ni lem in sawnnaw,” a ta. Anni chun ama chu an nuisan ta a.

LUKA 24:11

Nisienlakhawm, chuong thu chu thu mei meiah an ruot a, an awipêk naw a).

LUKA 9:42

Chun, a hung laiin, khawhri chun a sukthlûk rak a, nasatakin a sawisa ta a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk ta a.

THILTHAWHAI 17:32

Chun, mithi laia inthawka thonâwkna thu chu an hriet phingleh a ṭhenin an nuisan a; a ṭhenin, “Hi thu hi i kuomah la ngai nâwk kan tih,” an ta.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.