INṬANNA 18:26 - Pathien Lekhabu Inthieng (BSI)

²⁶ Chun, Lalpa chun, “Sodom sûnga chun mi fel sâwmnga khawm ka hmu chun anni lei chun khaw pumpui chu hla el ka tih,” a ta.

INṬANNA 18:26 ပူးပေါင်းရင်းမြစ်များ

INṬANNA 18:17

Lalpa chun, “Ka thilthaw ding hi Abraham kuoma hin ka ip ding am a ni aw?

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.

ISAI 19:24

Chu nia chun Israelhai chu Aiguptahai le Assuriahai pathumna nîng an ta, hnuoi lailia hin malsâwmna nîng an tih;

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 65:8

Lalpa chun hieng ang hin a tih, “Grêp bâwrah uoin thar an hmu a, miin, ‘Sukse naw, khataka khan malsâwmna a um si,’ an ti ang khan, ka siehlawhai leiin ti vêng ka tih, an rênga ka suksiet vawng nawna dingin.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisienlakhawm, tukhawm ka hmu naw a,

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.