An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.
Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.
Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.
Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.
I zuorpui upa lem le a naunuhmeihai chu i vawitienga chêng Samaria hi a na; chun, i zuorpui naupang lem i changtienga chêng chu Sodom le a naunuhmeihai hi an nih.
In kâwite kei dawk unla, bu sîk a hun ta si a: hung unla, hung sirsâwr ro; grêp sâwrna khur chu a sip a, bêlhai chu a sip liem a; an suolna a nasa si a.
Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.