INṬANNA 18:14 - Pathien Lekhabu Inthieng (BSI)

¹⁴ Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 18:14 ပူးပေါင်းရင်းမြစ်များ

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:21

Ka thuthlung ruok chu, Sarain kum nâwk hieng ang huna a neipêk ding che, Isak chungah sukdet lem ka tih,” a ti a.

INṬANNA 18:10

Chun, ama chun, “Hi hun hi a hung tlung nâwk pha chun i kuomah hung nâwk ngei ka tih, chun, i nuhmei Sara chun naupasal nei a tih,” a ta. Chun, a hnunga puon in kawtkhâr bula inthawk chun Sarain a lo hriet a.

INṬANNA 18:13

Chun, Lalpa chun Abraham kuomah, “Iengdinga Sarain, 'Tar ka ni hnung hin nau nei ka ti maw?’, tiin ân nui am a na?

INṬANNA 18:15

Chuongchun, Sara chun, “Kân nui nawh,” tiin ân pha a; a ṭi si a. Chun, ama chun, “Awi lo lo chu, în nui de kha,” a ti a.

INṬANNA 21:1

Lalpa chun a hril ta angin Sara chu a zu kan a, Lalpa chun a tiem ta angin Sara chungah a thawpêk bawk a.

INṬANNA 21:2

Chuongchun, Sara chu ân rai a, Pathienin a kuoma a hril hun ruot taka chun Abraham chu a tar hnungin naupasal a neipêk ta a.

2 LALHAI 4:16

Chun, ama chun, “Hi hun pha hin, hun a hung inlet nâwk pha chun naupasal pawm tâng i tih,” a ta. Chun, ama minu chun, “Ni lo e, pu, nang Pathien mi, i siehlawnu kuoma hin khêl hril naw rawh,” a ta.

JOB LEKHABU (THE BOOK OF JOB) 36:5

Ngai ta, Pathien chu thilthawthei a na, tukhawm a hmusit ngai naw a, Hrietna hrâtnaa thilthawthei a nih.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

INPÂKNA HLABU 90:13

Aw Lalpa hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

INPÂKNA HLABU 93:1

Lalpa chu lalah a ṭhung a, a ropuinain ân thuom a, Lalpa chu ân thuom a, hrâtnain a kâwngah ân khit ta a: Khawvêl khawm hi ân hnîng thei nawna dingin sukdetin a um a.

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

NAMBAR 11:23

Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 14:31

Chun, Isûn a ban nghâl ta a, ama chu a chel a, a kuomah, “Nang ringna tlâwm, iengdinga i ringhla am a na?” a ta.

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.

MARKA 10:27

Isûn anni chu a en a, “Chu chu mihriem ta dingin thaw ruol a ni naw a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni si a,” a ta.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:18

Chun, Zakariain vântirko kuomah chun, “Chu chu iengtin am hrieng ka ta? kei putar ka na, ka nuhmei khawm pitar a ni si a,” a ta.

LUKA 1:37

Pathien ta ding chun thaw thei naw iengkhawm a um si naw a,” a ta.

LUKA 8:50

Isu ruok chun chu thu chu a hriet chun, “Ṭi naw rawh, ring el rawh, chuongchun, dam nâwk a tih,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:21

a thutiem chu ân hlawtling tir thei ti a ring hle bawk a, a ringna chu a hung det lem ta a.

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 7:21

Anni chu in ṭi ding a ni nawh; Lalpa in Pathien nangni lai a um chu, Pathien ropuitak le ṭiumtak a ni si a.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.

PHILIPPI 4:13

A mi sukhrâttu Krista zâra chun iengkim ka thaw thei a nih.

HEBRAIHAI 11:19

Pathienin mithi laia inthawkin a keitho thei ti hrein chutaka chun thi ta hnung keitho angin a hmu nâwk ta ngei bawk a.

RORELTUHAI 13:3

Chun, Lalpa vântirko a nuhmei kuoma chun a hung inlâr a, a kuomah, “Ngai ta khai, i ching a, nau hrim i la vawn ngai naw a, nisienlakhawm, inrai i ta, naupasal nei i tih.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.