INṬANNA 18:1 - Pathien Lekhabu Inthieng (BSI)

¹ Abraham chu sûn nisa lum lai taka puon in kawtkhâr bula a ṭhung laiin, Lalpa chu Mamre thingsaisuohai kâwla chun a kuomah a hung inlâr a.

INṬANNA 18:1 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun Lalpa ta dingin maichâm a siem a.

INṬANNA 14:13

Chun, mi pakhat tlânsuok chu a hung a, Hebrai mi Abram chu a hril a; ama chu Amor mi Mamre thingsaisuohai kâwla chun a um a, Mamre chu Eskol le Aner unau a na; chuong mihai chu Abram le ṭhang hmunkhat an nih.

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 17:22

A kuoma thu a hril zo chun Pathien chun Abraham chu a kai tung san ta a.

INṬANNA 18:22

Chun, mihai chu chutaka inthawk chun an inher a, Sodom tieng an pan ta a; Abraham ruok chu Lalpa hmaa chun a la ngir zing a.

INṬANNA 20:1

Abraham chu Mamrea inthawk chun Sim ram tieng panin ân tâwl a; Kades le Sur inkârah umhmun a khuor a; Gerarah a um hri ta a.

INṬANNA 26:2

Chun, Lalpa chu a kuomah a hung inlâr a, “Aigupta rama chun zu fe naw rawh; ram ka hril ding chea chun um rawh.

INṬANNA 35:27

Chun, Jakob chu Abraham le Isak khuolchâmna hmun Kiriatharba (Hebron an ti bawk) Mamrea a pa Isak kuom chu a tlung ta a.

INṬANNA 48:3

Chun, Jakobin Josef kuomah, “Pathien Iengkimthawthei chu Kanaan rama Luz-ah ka kuomah ân lâr a, mal a mi sâwm a, ka kuomah,

2 CHANCHIN SUINA 1:7

Chu zân chun Solomon kuomah Lalpa chu a hung inlâr a, a kuomah, “Ieng am a na ka pêk ding che, mi hni rawh,” a ta.

FESUOKNA 4:1

Mosie chun a dawn a, “Nisienlakhawm, ngai ta, kei chu mi ring naw ni hai, ka râwl khawm ngai naw bawk an tih, ‘I kuomah Lalpa ân lâr naw kha,’ an mi ti âwm si a,” a ti a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

HEBRAIHAI 11:9

Ringnain ram tiema khan mi rama châm ang elin a lo châm ta zing a, thutiem hmunkhat, ro a ihluopui ding Isak le Jakob hai angin puon inahai a lo um a;

HEBRAIHAI 13:2

Mikhuolhai chunga hmangai insuo theinghil naw ro; chuong anga thawin mi ṭhenkhatin hre lovin vântirkohai an lo intlungtir si a.

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmu a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.