INṬANNA 17:23 - Pathien Lekhabu Inthieng (BSI)

²³ Chun, Abraham chun a naupa Ismael le a ina pieng po po le, a tangka suma a închâwk po pohai le Abraham sûnghai laia mi pasal taphawt chu a ṭhuoi a, Pathienin a kuoma a hril ta ang ngeiin, chu ni ngei chun an ser hmawr vun tisa chu a tanpêk tâwl a.

INṬANNA 17:23 ပူးပေါင်းရင်းမြစ်များ

INṬANNA 14:14

Abramin a nau chu salah an ṭhuoi ti a hriet phingleh a ina pieng, ama mi, inchûk thiemsa tah, za thum le sâwmpariet a ṭhuoi suok a, Dan chenin a hnawt ta a.

INṬANNA 17:9

Chun, Pathien bawkin Abraham kuoma chun, “Chun, nang chun chu, ka thuthlung hi i zâwm ding a nih; nang le i hnunga i thlahai an thla nâwksâwng pei chen khawmin in zâwm ding a nih.

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 34:24

Chun, Hamor le a naupa Sekem thu chu a khaw kul kawtkhâra suok taphawt chun an zâwm a, a khaw kul kawtkhâra suok po po, pasal taphawt chun ser an intantir ta vawng a.

INPÂKNA HLABU 119:60

I thupêkhai zâwm dingin, Kân hmaw a sâwt ka riel nawh.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si naw a.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

THILTHAWHAI 16:3

Paulain ama chu a kuoma fe ve dingin a dit a; chuongchun, chu tienga Juda umhai lei chun, a ser a tanpêk a, a pa chu Grik a nih ti an hriet vawng si a.

GALATI 5:6

Krista Isua chun sertan iengkhawm a ṭhahnem naw a, sertannaw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

GALATI 6:15

Siem thar nâwkna naw chu sertan hi iengkhawm a ni naw a, sertannaw khawm iengkhawm a ni chuong bawk nawh.