INṬANNA 17:19 - Pathien Lekhabu Inthieng (BSI)

¹⁹ Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 17:19 ပူးပေါင်းရင်းမြစ်များ

INṬANNA 16:11

Lalpa vântirko bawk chun a kuomah, “Ngai ta, nau i vawn ta a, naupasal nei i ta, Lalpa chun i rimsikzie hi a hriet ta leiin a hminga chun Ismael i sak ding a nih.

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:18

Chun, Abraham bawk chun Pathien kuomah, “Ismael hi i hmaah um thei sienla aw!” a ti a.

INṬANNA 17:21

Ka thuthlung ruok chu, Sarain kum nâwk hieng ang huna a neipêk ding che, Isak chungah sukdet lem ka tih,” a ti a.

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a ti a.

INṬANNA 26:2

Chun, Lalpa chu a kuomah a hung inlâr a, “Aigupta rama chun zu fe naw rawh; ram ka hril ding chea chun um rawh.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 9:16

Chun, sumrisâng chu sûmah inzâm hlak a ta; chuongchun, Pathien le hnuoi chunga tisa um po po laia thilsiem hringna nei tinrêng inkârah kumkhaw thuthlung um chu ka hriet zing theina dingin en hlak ka tih,” a ta.

LUKA 1:55

Abraham le a thlahai chu chatuona a lunginsiet dingzie hriet zingna dingin,” a ta.

HEBRAIHAI 11:11

Ringnain Sara ngei khawmin, a tiemtu chu ringuma a ruot leiin tar ta hnungin chi pai theina a hmu a.