INṬANNA 17:16 - Pathien Lekhabu Inthieng (BSI)

¹⁶ Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:16 ပူးပေါင်းရင်းမြစ်များ

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 15:4

Chun, ngai ta, “Ama kha i rohluotu ding ni naw nih, nanga rîla hung ra ding ngei chu i ro hluotu ding ni lem a tih,” tiin Lalpa thu chu a kuomah a hung tlung a.

INṬANNA 17:15

Chun, Pathien bawkin Abraham kuomah, “I nuhmei Sarai chu a hmingah Sarai ti ta naw ti ni a, a hming chu Sara ti ni ta lem a tih.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 17:6

Nasatakin chi inthlatir ka ti che a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 21:1

Lalpa chun a hril ta angin Sara chu a zu kan a, Lalpa chun a tiem ta angin Sara chungah a thawpêk bawk a.

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 25:23

Chun, Lalpain a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a ta.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 36:31

Hieng hi lal hrim hrimin Israel mihai chunga ro an rêl hmaa Edom rama rorêltu lalhai chu an nih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:9

Thutiem chu hi hi a nih: “Tuta hun ang hin hung ka ta, Sara chun naupasal nei a tih,” ti hi.

GALATI 4:23

Nisienlakhawm, suoknu le nau chu tisa dân angin a pieng a, suoknawnu le nau ruok chu thutiem leiin a pieng a nih,” ti hi.

1 PETER 3:6

Sarain Abraham chu, “Lalpa,” tiin a thu a awi ang khan, thil ṭha thawin, ṭitna ding hrim nei lova in um chun, Sara nauhai nîng in tih.