INṬANNA 15:18 - Pathien Lekhabu Inthieng (BSI)

¹⁸ Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 15:18 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 2:14

Vadung pathumna hming chu Hiddekel a nih; chu chu Assuria ram saktienga luong chu a nih. Vadung palina chu Euphrates a nih.

INṬANNA 24:7

Lalpa vân Pathien, ka pa ina inthawk le ka piengna rama inthawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tia ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:4

Mikhuol i nina ram, Pathienin Abraham kuoma a pêk hi i hluo theina dingin Abraham malsâwmna chu indawngtir bawk raw se che, nang le i thlahai khawm,” a ti a.

INṬANNA 35:12

Abraham le Isak kuoma ram ka pêkhai hi i kuomah pêng ka ti che, i um naw hnunga i thlahai kuoma khawm ram hi pe pei ka tih,” a ti a.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

2 SAMUEL 8:3

David chun Euphrates vadunga a ram la dinga a fe malamin Zoba leh Rehob naupa Hadadezer chu a thaw a.

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwmmanhai an hung chawi hlak a, Solomon dam sûng po chun a rawng an bâwl hlak a.

1 LALHAI 5:1

Chun, Tura lal Hiram chun Solomon kuoma chun a siehlawhai a tir a, a pa aia lal dingin hriek an nâl ti a lo hriet si a; Hiram chu David ngainatu a ni rawp hlak hrim a.

1 CHANCHIN SUINA 16:16

Abraham kuoma a thuthlung le, Isak kuoma a inkhâmna chu.

1 CHANCHIN SUINA 5:9

chun, Gilead rama chun an ran ruolhai chu an pung hle ta leiin vadungpui Euphratesa inthawka saktieng thlalêr lûtna chen khan an hluo ta a.

2 CHANCHIN SUINA 7:8

Chuongchun, Solomon chun Israel mihai po po, mipui pungkhâwm nasatakhai, Aigupta vadungtêa inthawka Hamath lûtna chena mihai le chun ni sari sûng chu ruoi an ṭhe a.

2 CHANCHIN SUINA 8:7

Chun, hnam po pohai, Hit mihai, Amor mihai, Periz mihai, Hiv mihai, Jebus mihai a la umhai Israel mi ni lohaia le,

2 CHANCHIN SUINA 9:26

Chun, lal po po vadungpuia inthawka Philistin mihai ram chenin, Aigupta ramri chena umhai chunga chun ro a rêl a.

EZRA 4:20

Vadung râl ram po po chunga rorêltu, Jerusalem vêla khan lal thilthawtheitak takhai an um a; an kuoma chun leiman dâm, ram man dâm, sie dâm pêk a ni hlak a.

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni si a.

INPÂKNA HLABU 105:11

“Kanaan ram hi i kuomah pêng ka ti che, I rochan puol ding chu,” tiin;

FESUOKNA 13:11

Chun i thlatuhai le nanga kuoma a tiem ta anga Kanaan mihai ramah Lalpain a ṭhuoi lût che a, ram chu a pêk pha che chun,

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

FESUOKNA 23:23

Ka vântirko chu i hmaah fêng a ta, Amor mihai, Hit mihai, Periz mihai, Kanaan mihai, Hiv mihai le Jebus mihai rama chun ṭhuoi lût a ti che; chun, anni chu sukbohmang ka tih.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

FESUOKNA 34:11

“Vawisûn thu ka pêk che hi zâwm rawh. Ngai rawh, Amor mihai, Kanaan mihai, Hit mihai, Periz mihai, Hiv mihai le Jebus mihai chu i hmaa inthawkin ka hnawt suok ding a nih.

FESUOKNA 34:24

Hnamhai chu i hmaah hnawt suok ka ta, i ramrihai chu ka suklien ding a ni si a; kum khat sunga ṭum thum, Lalpa i Pathien hmaa inlang dinga i fe laiin, i ram chu tukhawmin inhnarin lâk tum naw ni hai.

FESUOKNA 6:4

Khuolchâm anga an umna ram, Kanaan ram chu anni pe dingin an kuomah thuthlung ka siem bawk a.

FESUOKNA 6:8

Abraham, Isak le Jakob kuoma pe dinga ka bân ka pharna hlak rama chun ṭhuoi lût ka ti cheu a; chu ram chu ro dingin pêng ka ti cheu: Lalpa ka ni hi,’ ” tiin.

ISAI 27:12

Chu nia chun Lalpa chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel mipuihai, pakhat khata rûtin um in tih.

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

JEREMIA 32:22

hi ram nênetui le khuoizua luong ram, an thlatuhai kuoma pêk dinga i lo tiem ta ram hi an kuoma chun i pêk ta a;

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

LEVI DÂN 26:42

Jakob kuoma ka thuthlung chu hre zing ka ta, Isak le Abraham kuoma ka thuthlung khawm hre zing ka ta; ram khawm chu hre zing bawk ka tih.

LEVI DÂN 26:45

amiruokchu, an Pathien ka ni theina dinga, hnam tinhai mithmua Aigupta rama inthawka ka ṭhuoi suok, an thlatuhai le thuthlung chu, anni lei hin hre zing lem ka tih: Kei hi Lalpa chu ka nih,’ ti rawh,” tiin.

NAMBAR 34:5

Chun, ramri chu Azmona inthawk chun Aigupta vadung chenin kâwi a ta, a tâwpna chu Medirranean tuipui nîng a tih.

THILTHAWHAI 7:5

Chun, hitaka hin chu iengkhawm hmun hluo ding, a ke innghatna khawp khawm a pêk naw a; nisienlakhawm, ama le a hnunga a thlahai chena ro dingin pêk a tiem a, nau a la nei hma ngei khawmin.

DÂN PAHNINA 11:24

In kephaa in sirna taphawt chu in ta nîng a tih, thlalêra inthawk le Lebanon tlânga inthawka vadung, Euphrates vadunga inthawk chun thlangtieng tuipui chenin in ram nîng a tih.

DÂN PAHNINA 12:20

“Lalpa in Pathienin a tiem cheu anga in ram a suklien a, in hringnain sa a fâk châk leia, ‘Sa fâng ka tih,’ in ti pha chun, in hringnain a châk zâwng ang ang sa fa thei in tih.

DÂN PAHNINA 19:8

“Chun, Lalpa in Pathienin in pi le puhai kuoma ṭawng a lo inkhâm anga in pi le puhai pêk a lo tiem ram chu a pêk cheu a,

DÂN PAHNINA 34:4

Chun, Lalpain a kuomah, “Hi ram hi a nih, Abraham hai, Isak hai, Jakob hai kuoma, ‘In thlahai la pêng ka tih,’ tia inkhâma ka lo tiem kha; a hmu chu kân hmutir phawt che a na; nisienlakhawm, chutaka chun fe naw ti ni,” a ta.

DÂN PAHNINA 7:1

“Lalpa in Pathienin in va hluo ding rama a ṭhuoi lût cheu a, in hmaa hnam tamtak, Hit mihai, Girgas mihai, Amor mihai, Kanaan mihai, Periz mihai, Hiv mihai, Jebus mihai dâm, nangni nêka ropui le thilthawthei hnam sarihai a hnawt suok pha,

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

JOSUA 15:4

Chun, Azmonah a fe pei a, Aigupta vadungah a suok a; chun, Mediterranean tuipuiah ramri chu a tâwp a. Chu chu simtieng panga in ramri ding chu nîng a tih.

THUPUONGSUO 9:14

Chu rawl chun vântirko parukna, tawtawrâwt chawi kuoma chun, “Euphrates vadunga vântirko pali khuophai kha sût rawh,” a ta.