INṬANNA 15:1 - Pathien Lekhabu Inthieng (BSI)

¹ Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 15:1 ပူးပေါင်းရင်းမြစ်များ

INṬANNA 15:2

Abram ruok chun, “Aw Lalpa Pathien, iengam mi pêng i ta? nau nei lovin ka um sawng ding a na, ka ro inkhâwmtu ding chu Damaskaa mi Eliezer hi a ni si a,” a ti a.

INṬANNA 15:4

Chun, ngai ta, “Ama kha i rohluotu ding ni naw nih, nanga rîla hung ra ding ngei chu i ro hluotu ding ni lem a tih,” tiin Lalpa thu chu a kuomah a hung tlung a.

INṬANNA 21:17

Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

INṬANNA 22:1

Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.

INṬANNA 22:20

Chuong thil hnunga chun, “Ngai ta, Milka khawm khan i sang Nahor chu nauhai a neipêk tah,” tiin Abraham chu hrilin a um a.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 31:7

Nisienlakhawm, in pa chun a mi hlêm a, ka hlaw hi vawi sâwm lai a mi sukdanglampêk ta a; nisienlakhawm, Pathienin ka pawi a tawk a phal naw a nih.

2 SAMUEL 22:3

Ka lungpui, Pathien ama chu ring ka ta, Ka phaw le ka sandamna ki, ka kulbîng insâng le kân humhimna a nih; Ka sandamtu, nangin inpâwngnêknaa inthawkin i mi sandam hlak.

2 LALHAI 1:15

Chun, Lalpa vântirko chun Elija kuomah, “Ama kha zui thla la, ama kha ṭi naw rawh,”a ta. Chun, a tho a, ama chu a zui thlâk a, lal kuoma chun a fe ta a.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

INPÂKNA HLABU 115:10

Aw Aron sûnghai, Lalpa chu ring ro, Ama chu anni ṭhangpuitu le an phaw a nih.

INPÂKNA HLABU 119:114

Nang chu kân bîkhmangna le ka phaw i na, I thu ka beisei a nih.

INPÂKNA HLABU 142:5

Aw Lalpa, ka ko che a “Nang chu kân humhimna, Mi hring rama ka chanvo i nih,” ka ti a.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 3:3

Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

INPÂKNA HLABU 3:4

Ka râwlin Lalpa chu ka ko a, A tlâng inthienga inthawk chun a mi hung dawn hlak a.

INPÂKNA HLABU 5:12

Mi fel chu mal i sâwm ding a ni si a, Aw Lalpa, ama chu phâw angin ditsaknain în huol vêl ding a nih.

INPÂKNA HLABU 58:11

Chuongchun, mihaiin, “Mi fel ta ding chun lâwmman a lo um tak tak a; Hnuoia hin rorêltu Pathien a lo um tak tak a ni hi,” tîng an tih.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 84:9

Aw Pathien, kan phaw tak, en ta, I hrieknâl pa hmêl hi en ta.

INPÂKNA HLABU 91:4

A thla chun inkhum a ti che a, A thla hnuoia chun himtakin um i ta, A thutak chu phaw chîn le phaw lien a nih.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

THUVARHAI 11:18

Mi khawhlo chun hlaw hmusitumtakhai chu a hlaw a, Felna tutu ruok chun lâwmman indiktak chu a hmu.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 40:10

En ta u, Lalpa Pathien chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hrietpuituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

JEREMIA 39:17

Nisienlakhawm, nang chu, chu ni chun sansuok ka ti che a, mi iṭihai kuta chun pêk ni naw ti ni, Lalpa chun a tih.

ṬAP HLA 3:24

Ka thla chun,“ Lalpa chu ka chanvo a na, chuleiin, amaa chun beisei ka tih,” a ta.

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

EZEKIEL 11:24

Chun, thlarau chun a mi dawmkâng a, Pathien thlaraua thilhmulâwknaa chun Kaldaia sal intânghai kuoma chun a mi ṭhuoi ta a. Chuongchun, ka thilhmulâwk hmu chun chungtieng a mi fesan ta a.

EZEKIEL 3:4

Chun, ama chun ka kuomah a hril a, “Mihriem naupa, fe la, Israel sûngkuohai kuomah va fe ta, an kuoma chun ka thu hi va hril rawh.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

NAMBAR 18:20

Lalpa chun Aron kuomah, “An rama chun rochan nei naw ti niu a, anni lai chun chanvo nei naw bawk in tih: Israel mihai laia i chanvo le i rochan chu keima hi ka nih.

NAMBAR 24:4

Pathien thuhai hrea, Iengkimthawthei inlârna hmu a, Tlu bawkhupa mit hung var ta chun:

MATTHAI 28:5

Chun, vântirko chun nuhmeihai chu a biek a, an kuomah, “Nangni chu ṭi naw ro! Isu an hemde kha in zawng ti ka hriet!

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

LUKA 1:13

Nisienlakhawm, vântirko chun a kuomah, “Zakaria, ṭi naw, i hni kha hriet a nih, i nuhmei Elizabethin naupasal neipêk a ti che, a hmingah Johan i sak ding a nih.

LUKA 1:30

Chun, vântirko chun a kuomah, “Mari, ṭi naw, Pathien ngaisak zâwng i nih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

1 KORINTH 3:22

Iengkim hi in ta vawng a ni si a: Paula amanih, Appolo amanih, Kipha amanih, khawvêl amanih, hringna amanih, thina amanih, thil um tasahai amanih, a hung um dinghai le chun a rêngin in ta vawng a nih.

DÂN PAHNINA 18:2

An unauhai laia chun rochan an nei ding a ni naw a, an rochan chu an kuoma a hril angin Lalpa a ni si a.

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu Lalpa in Pathien a ni si a; inhlâwsamtir naw ni cheu, mâk khawm mâksan naw tawp a ti cheu,” tiin.

HEBRAIHAI 1:1

Pathienin inhma khan zâwlneihai hmangin ei thlatuhai kuomah vawi tamtak le kawng dang dangin thu a lo hril hlak a,

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

RUTH 2:12

Lalpa chun i thilthaw tahai chu thung sienla che, Lalpa, Israelhai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.

1 SAMUEL 15:10

Chun, Lalpa thu chu Samuel kuoma chun a hung tlung a.

1 SAMUEL 9:9

(Kha hma khan chu Israelhai lai khan miin Pathien an râwn nuom chun, “Hung rawh, hmutheitu kuomah fêng ei tih,” an ti hlak a; tulaia Zâwlnei an ti hlak hi, kha hma khan chu Hmutheitu an ti hlak a nih.)