INṬANNA 13:9 - Pathien Lekhabu Inthieng (BSI)

⁹ Ram chu a pumin a um duoi a ni naw am a nih? Lunginsiettakin, ka kuoma inthawk hin insuktum el rawh: nang vawitieng i fe chun kei changtieng fêng ka ta, annawleh, nang changtieng i fe chun kei vawitieng fêng ka tih,” a ti a.

INṬANNA 13:9 ပူးပေါင်းရင်းမြစ်များ

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu Lalpa huon ang, Aigupta ram ang khan ram tina tui um furna hmun a nih ti a hriet a, Lalpain Sodom le Gomorra a suksiet hma kha a ni si a.

INṬANNA 13:8

Chuongchun, Abramin Lota kuomah, “Lunginsiettakin, kei le nanga inkârah, ka ran puhai le i ran puhai inkâra khawm, insêlna um naw raw se; unau ei ni si a.

INṬANNA 20:15

Chun, Abimelek chun, “En ta, ka ram a um duoi annâwm, i nuomna taphawta hin um rawh,” a ta.

INṬANNA 34:10

Kan ramah keini lai um in ta, in nuomna hmun hmunah um bawk unla, hienglai hin um unla, sumdâwng unla, insukmuk ro,” a ti a.

INPÂKNA HLABU 120:7

Kei chu inrem ka nuom a, Nisienlakhawm, thu ka hril phingleh indo an nuom hlak.

JEREMIA 40:4

Tuhin, ngai ta, vawisûn ni hin i kuta khaidiet umhaia inthawk chun kân suo che a nih. Babulon tienga kei mi zui hi i ngaia a ṭha chun, hung la, amiruokchu, Babulon tienga kei mi hung zui chu i ta dinga rin a um chun, ṭhul el rawh; ngai ta, ram po po chu i hmaa chun a um a, khaw tienga khawm i ta dinga ṭha le, i ta dinga remchângna tieng tienga chun, chu tienga chun fe rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:18

A thei phawt chun nangni tieng bêk mi po po le inremin um ro.

1 KORINTH 6:7

Indiktak chun, nangni kâra thubuoi in nei hin, in tlâwm dêr tah tina a nih. Iengleia ân diknaw lem in ni el naw am a na? Iengleia a dâwng lem in ni el naw am a na?

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.