INṬANNA 13:8 - Pathien Lekhabu Inthieng (BSI)

⁸ Chuongchun, Abramin Lota kuomah, “Lunginsiettakin, kei le nanga inkârah, ka ran puhai le i ran puhai inkâra khawm, insêlna um naw raw se; unau ei ni si a.

INṬANNA 13:8 ပူးပေါင်းရင်းမြစ်များ

INṬANNA 13:9

Ram chu a pumin a um duoi a ni naw am a nih? Lunginsiettakin, ka kuoma inthawk hin insuktum el rawh: nang vawitieng i fe chun kei changtieng fêng ka ta, annawleh, nang changtieng i fe chun kei vawitieng fêng ka tih,” a ti a.

INṬANNA 14:14

Abramin a nau chu salah an ṭhuoi ti a hriet phingleh a ina pieng, ama mi, inchûk thiemsa tah, za thum le sâwmpariet a ṭhuoi suok a, Dan chenin a hnawt ta a.

INṬANNA 45:24

Chun, a unauhai chu a tir suok a, an fe ta a: chun, ama chun an kuomah, “Lampuia inhal lo dingin fimkhur ro,” a ti a.

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

INPÂKNA HLABU 133:1

Ngai ta, unauhai inngei diel diela um khâwm hi, A va ṭhain, a vân hawi de!

FESUOKNA 2:13

A ni hninaa a va fe suok nâwk chun, ngai ta, Hebrai mi pahni an lo insuol a; ama chun a thil suksuoltu lem kuoma chun, “Iengdinga i unau i vuok am a na?” a ti a.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 15:18

Mi nunsie chun inhalna a chawktho a, Mi lunginsen intak ruok chun inhalna a sukre.

THUVARHAI 20:3

Insuolnaa inthawka insietum hi mihriem ta dingin inzâkaina a na, Amiruokchu, invêt taphawthai chu insêl an tih.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni si a.

THILTHAWHAI 7:26

Chun, a zîngah anni laia mi pahni an insuol laiin an kuom a hung tlung a, ‘Puhai, unau in nih annâwm; iengdinga indiknawtakin in inthaw am?’ tiin anni rem a tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

PHILIPPI 2:14

Chierna le insêlnahai um lovin iengkim thaw ro,

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

HEBRAIHAI 13:1

Unau inhmangaina hi um pei raw se.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 2:17

Mi po po chawimawi ro. Unauhai chu hmangai ro, Pathien ṭidêk ro. Laltak chu chawimawi ro.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 4:8

Ieng dang nêkin, ṭhahnemngaitakin inhmangai tuo lem ro; hmangaina chun suol tamtak ân khum hlak si a.

2 PETER 1:7

in Pathien ngaisaknaa chun unau laka ngilneina, in unau laka ngilneina chun hmangaina inṭhangtir ro.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

RORELTUHAI 9:26

Chun, Ebed naupa Gaal, a unauhai leh an hung inthawk a, Sekemah an lût a, Sekem mihai chun an lo ringzo hle a.