INṬANNA 13:7 - Pathien Lekhabu Inthieng (BSI)

⁷ Chuongchun, Abram ran puhai le Lota ran puhai inkâra chun insêlna a hung suok ta a: chuong lai chun Kanaan le Periz mihai chu chu rama chun an um a.

INṬANNA 13:7 ပူးပေါင်းရင်းမြစ်များ

INṬANNA 10:19

Chun, Kanaan hnamhai ramri chu Zidona inthawkin Gerar pan zâwngin Gaza chenin; Sodom, Gomorra, Adma le Zeboiim pan zâwngin, Lasa chenin a nih.

INṬANNA 12:6

Abram chu chu rama Sekem hmun chen, More thingsaisuo hmun chen chun a fe pei a. Chuong lai chun Kanaan mihai chu chu rama chun an um a.

INṬANNA 21:25

Chun, Abimelek siehlawhaiin tuisunsuo an lâkpêk lei chun Abimelek chu Abraham chun a lo kâwk a.

INṬANNA 26:20

Gerar ranpuhai chun, “Tui hi kan ta a nih,” tiin Isak ranpuhai chu an insêlpui a: chuonga ama leh an insêl leiin tuisunsuo hminga chun Esek ân bûk ta a.

INṬANNA 34:30

Chun, Jakobin Simeon le Levi kuoma chun, “Nangnîn hi rama um Kanaan mihai le Periz mihai laia hin, theida in mîn phurtirin in mi suklungzîng hle a nih; kei tlâwmte ka ni leiin mi thaw dingin hung inpun khâwm an ta, mi that el an tih; chuongchun, sukbohmangin um ka tih, kei le ka sûnghai le hin,” a ti a.

INṬANNA 46:34

nangnîn, ‘I siehlawhai hi kan thlatuhai chenah naupang chite kan ni laia inthawk tu chen hin ran vaituhai kan nih,’ ti ro: chuongchun, Gosen ramah um thei in tih. Berâm vêngtu hrim hrim chu Aigupta mihai tirdak zâwngtak a ni si a,” a ti a.

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭia in um a ṭûl a ni naw am a nih?

FESUOKNA 2:17

Chun, berâmpuhai chu an hung a, anni chu an hnawt hmang ta a; nisienlakhawm, Mosie chu a ngîr a, anni a ṭhangpui a, an berâm ruol chu tui ân dâwntir ta a.

THUVARHAI 20:3

Insuolnaa inthawka insietum hi mihriem ta dingin inzâkaina a na, Amiruokchu, invêt taphawthai chu insêl an tih.

MARKA 3:25

Sûng khat khawm anni le anni an indo chun, chuhai sûng chu ngîr suok thei naw ni hai.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

KOLOSSA 4:5

Remchângna inchaw peiin puotienga mihai lai chun vartakin um ro.

1 THESSALONIKA 4:12

Chuongchun, puo tienga mihai chungah mawitakin um thei in ta, iengkhawm tlasam naw ti niu.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

JAKOB 3:16

îtthîkna le mâni hmasielna umnaa chun buoina le thilsuksuolna tinrêng a um hlak.

JAKOB 4:1

Nangni laia indona le insêlna hai hi khâwlaia inthawka hung suok am an na? In taksa pêngahai indona siem hlaktu, in nuom zâwnga inthawkhai chun hung suok an ni naw am a nih?

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.