INṬANNA 13:2 - Pathien Lekhabu Inthieng (BSI)

² Chun, Abram chu ran dâm, tangka dâm, rângkachak dâmin a hausa êm êm a.

INṬANNA 13:2 ပူးပေါင်းရင်းမြစ်များ

INṬANNA 12:16

Chun, ama chun Sarai lei chun Abram chu ṭhatakin a sawngbâwl a; chuongchun, berâm dâm, bâwng dâm, sabengtung chal dâm, suokpa dâm, suoknu dâm, sabengtung pui dâm, sanghâwngsei dâm a nei pha ta a.

INṬANNA 13:6

An um rêlna dingin ramin a dai ta naw a, an thil nei chu a nasa hle si a; chuongchun, an um hmunkhat thei ta dêr da el a.

INṬANNA 24:1

Chun, Abraham chu a hung upa a, a hung tar ta hle a; chun, Lalpain Abraham chu thil iengkimah mal a sâwm ta a.

INṬANNA 24:35

Lalpa chun ka pu chu nasatakin mal a sâwm a, mi lientak a hung ni a. Lalpa chun ama chu berâm ruol dâm, bâwng ruol dâm, tangka dâm, rângkachak dâm, suokpa dâm, suoknu dâm, sanghâwngseihai dâm, sabengtung dâm, a pêk bawk a.

INṬANNA 26:14

Berâm ruolhai, ran ruolhai a nei a, sûnghai tamtak a nei bawk a; chuongchun, Philistin mihai chun an thîk ta a.

INṬANNA 30:43

Chuongchun, Jakob chu nasatakin a hung pung a, ran ruol, ruol lientak dâm, suoknu le suokpa dâm, sanghâwngsei dâm, sabengtung dâm a hung nei ta a.

JOB LEKHABU (THE BOOK OF JOB) 1:10

Ama vêla le, a in le a nei po po, a sîr tina chun paldâi i siempêk a ni naw am a nih? A kuthai sinthaw chu mal i sâwm a, a ran ruol chu hi rama hin a hung pung ta a.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

THUVARHAI 10:22

Lalpa malsâwmna chun a siem hausa a, Chutaka chun lungngaina a belsa nawh.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

1 SAMUEL 2:7

Lalpa chun a sukpase hlak a, a sukhausa bawk hlak, A suktlâwm hlak a, a chawisâng bawk hlak.