INṬANNA 13:18 - Pathien Lekhabu Inthieng (BSI)

¹⁸ Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun Lalpa ta dingin maichâm a siem a.

INṬANNA 13:18 ပူးပေါင်းရင်းမြစ်များ

INṬANNA 13:4

a tîra a maichâm siemna ngeia khan; chun, chutaka chun Abram chun Lalpa hming a lam a.

INṬANNA 14:13

Chun, mi pakhat tlânsuok chu a hung a, Hebrai mi Abram chu a hril a; ama chu Amor mi Mamre thingsaisuohai kâwla chun a um a, Mamre chu Eskol le Aner unau a na; chuong mihai chu Abram le ṭhang hmunkhat an nih.

INṬANNA 18:1

Abraham chu sûn nisa lum lai taka puon in kawtkhâr bula a ṭhung laiin, Lalpa chu Mamre thingsaisuohai kâwla chun a kuomah a hung inlâr a.

INṬANNA 22:9

Chun, Pathienin a hril hmun chu an va tlung a; Abraham chun chutaka chun maichâm a siem a, thing chu a sep khâwm a, a naupa Isak chu a khuop a, maichâma thing chunga chun ân zâltir a.

INṬANNA 23:2

Sara chu Kanaan rama Kiriath-arbaa chun a thi a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

INṬANNA 26:25

Chuongchun, chutaka chun maichâm a siem a, Lalpa hming a lam a, chutaka chun a puon in a zar bawk a. Chun, Isak siehlawhai chun chutaka chun tuisunsuo an cho nâwk a.

INṬANNA 35:27

Chun, Jakob chu Abraham le Isak khuolchâmna hmun Kiriatharba (Hebron an ti bawk) Mamrea a pa Isak kuom chu a tlung ta a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk raw aw,” a ti a. Chuongchun, Hebron ruoma inthawk chun a tir suok a; ama chun Sekem chu a va tlung ta a.

INṬANNA 8:20

Chun, Noa chun Lalpa ta dingin maichâm a siem a; chun, sa thieng tinrêng laia mi le, vate thieng tinrêng laia mi a lâk a, maichâma chun pumrawhmang thilinhlânhai ân hlân ta a.

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

INPÂKNA HLABU 16:8

Lalpa chu ka hmaah kân umtir rawp hlak a, Ka changtieng a um leiin inhnîng naw ning.

NAMBAR 13:22

Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngîr hma kum saria inngîr tah a nih).

1 TIMOTHE 2:8

Chuongchun, pasalhaiin hmun tinah kut inthieng pharin, lunginsen lo le insêl lovin ṭawngṭai hai sienla ka nuom a nih.

HEBRAIHAI 11:9

Ringnain ram tiema khan mi rama châm ang elin a lo châm ta zing a, thutiem hmunkhat, ro a ihluopui ding Isak le Jakob hai angin puon inahai a lo um a;

JOSUA 14:13

Chuongchun, Josua chun ama chu mal a sâwm a; Jephunne naupa Kaleb chu a rochan dingin Hebron chu a pêk ta a.

JOSUA 15:13

Jephunne naupa Kaleb chu Lalpain Josua thu a pêk angin Juda thlahai laia chun chanpuol a siempêk ve a; chu chu Kiriath-arba a nih; (chu chu Hebron an ti bawk a). Arba chu Anak pa a nih.