INṬANNA 13:16 - Pathien Lekhabu Inthieng (BSI)

¹⁶ Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 13:16 ပူးပေါင်းရင်းမြစ်များ

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

INṬANNA 16:10

Lalpa vântirko chun a kuomah, “I thlahai chu tiem sênglo khawp hiela tamin la sukpung ka tih,” a ti bawk a.

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:2

Chuongchun, nang le ei kârah thu thlung ka ta, nasatakin sukpung ka ti che,” a ta.

INṬANNA 17:20

Ismael chungthu khawm hi ka ngaipêk che a nih: ngai ta, ama chu mal ka sâwm ta a, chi tamtak inthlatir ka ta, nasatakin sukpung bawk ka tih; ama chun lal sâwmpahni thlâng a ta, ama chu chi ropuitakah la siem ka tih.

INṬANNA 17:6

Nasatakin chi inthlatir ka ti che a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 18:18

Abraham hi chi ropui le thilthawtheitak a la hung ni ngei ding a ni si a, amaa chun khawvêla chi tin an la thawveng ding a ni si a.

INṬANNA 21:13

Chun, suoknu naupaa khawm hin i thla a ni leiin chi ti khawp zet la siem ka tih,” a ta.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 32:12

Nangin, ‘Siem ṭha ngei ngei ka ti che a, i thlahai chu tuisuorieta phaiphin tiem sênglo khawp raua tam angin siem ka ti che,’ i ti si a,” a ti a.

INṬANNA 32:13

Chun, chu zân chun chutaka chun a riek ta a; chun, a thil nei laia mi a u Esau ta dingin lâwmman dingin a sie tum a;

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

1 LALHAI 3:8

I siehlaw hi i mihai i thlanghai, mi tamtak, an tam leia tiem sêng ruollo le, a zât hriet sêng ruol lohai lai hin a um a na.

1 LALHAI 4:20

Judahai le Israelhai chu tuisuoriet pang ṭieu phaiphin zât zetin an tam a: an fâkin an dâwn a, hlimtakin an um hlak a.

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

1 CHANCHIN SUINA 21:5

Chun, Joab chun mipuihai tiemna nizât chu David kuomah a pêk ta a. Chuongchun, Israel rama mi chu kâwlhnâm chawi thei ṭhieu mi maktaduoi khat le nuoi khat an na; Judaa chun kâwlhnâm chawi thei ṭhieu chu mi nuoi li le sîng sari an nih.

1 CHANCHIN SUINA 27:23

Nisienlakhawm, David chun kum sâwmhni le a hnuoi tieng chu an nizât a lâk naw a; Lalpa chun Israel chu vâna arasi zâtin a sukpung ding a nih ti a lo hril ta lei khan.

2 CHANCHIN SUINA 1:9

Tuhin, Aw Lalpa Pathien, ka pa David kuoma i thutiem chu sukpuitling ni raw se; tam tienga hnuoia pilvut zât rau ang mipui chunga hin lalah i mi siem ta si a.

JOB LEKHABU (THE BOOK OF JOB) 5:25

I chithla chu a hung ropui ding a nih ti hre bawk i ta; I thlahai chu hnuoi chunga hlobet ang elin.

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

JEREMIA 33:22

Vâna umhai chu tiem sêng an ni naw a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

DÂN PAHNINA 1:10

Lalpa in Pathien chun a sukpung cheu a, ngai ta u, tuhin chu in tamzie chu vâna arasi zât zet in hung ni ta a.

HEBRAIHAI 11:12

Chuongchun, pasal pakhat, mithi ang el ni tahnunga inthawkin, vâna arasihai anga tam, tuisuoriet panga phaiphin anga tiem sêng naw an hung suok ta a.

THUPUONGSUO 7:9

Chu hnunga chun ka hang en a, chun, ngai ta, mipui nasatak tûkhawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmu a;

RORELTUHAI 6:3

Chun, Israelhaiin thil an hang chîng hin Midianhai, Amalekhai le khawsak nauhai chu an hang fe a, an hang do a,

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak si a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.