INṬANNA 12:3 - Pathien Lekhabu Inthieng (BSI)

³ Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.

INṬANNA 12:3 ပူးပေါင်းရင်းမြစ်များ

INṬANNA 18:18

Abraham hi chi ropui le thilthawtheitak a la hung ni ngei ding a ni si a, amaa chun khawvêla chi tin an la thawveng ding a ni si a.

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 22:18

i thlahaia chun khawvêla chi tin la thawveng an tih’ a tih,” tiin.

INṬANNA 24:35

Lalpa chun ka pu chu nasatakin mal a sâwm a, mi lientak a hung ni a. Lalpa chun ama chu berâm ruol dâm, bâwng ruol dâm, tangka dâm, rângkachak dâm, suokpa dâm, suoknu dâm, sanghâwngseihai dâm, sabengtung dâm, a pêk bawk a.

INṬANNA 25:11

Abraham thi hnung chun Pathienin a naupa Isak chu mal a sâwm a; chu Isak chu Beer-lahai-roi kâwla chun a um a.

INṬANNA 26:29

i pawi iengkhawm kan tâwk naw a, thil ṭha bak naw chu i chunga hrim iengkhawm kan thaw naw a, tlangtaka kan infetir el che ang khan, nang khawma kan sietna ding hrim i thaw nawna dingin: tuhin nang chu Lalpa malsâwmna dawngtu i ni ta hi,” an ti a.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INṬANNA 30:27

Laban chun a kuomah, “I mi lunginsiet thei chun la um phawt ta la, Lalpa chun nanga zârah mal a mi sâwm ti ṭhumvâwrin ka hriet i sawnnaw,” a ti a.

INṬANNA 30:30

Ka hung hma chun tlâwmte bak i nei a, tuhin chu tamtak an hung ni ta hi; ka nghatna tieng tieng Lalpa chun mal a sâwmpêk pei che a nih: amiruokchu, iengtik âm keia sûngkaw ta dingin suksuok vêng ka ti aw?” a ti a.

INṬANNA 39:5

A inah hotuin a siem a, a nei po po chunga hotua a siem chena inthawk chu Josef leiin Lalpa chun Aigupta mi sûng khat chu mal a sâwm ta a; in tieng le ram tienga a nei po po chu Lalpain mal a sâwm a.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

FESUOKNA 23:22

Nisienlakhawm, ama râwl chu i ngai tak tak a, ka hril po po hi i thaw chun, i hmêlmahai ta dingin hmêlma nîng ka ta, i khingpuihai ta dingin an khingpui nîng ka tih.

NAMBAR 24:9

An kûn a, sakeibaknei angin an bawk a. Sakeibakneihai ang elin, tuin am chawktho a ta? Malsâwmtu taphawt cheu chu malsâwmin um sienla, Ṭawngsie inphurtu taphawt cheu chu ṭawngsephurin um raw hai se,” tiin.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

GALATI 3:16

Chun, Abraham kuomah a nih thu chu tiema a lo um chu, a chithla kuoma khawm. Mi tamtak chungthu hril angin, “Chithlahai kuoma khawm,” a ti naw a, mi pakhat chungthu hril angin, “I chithla kuoma khawm,” a ti lem a nih, chu chu Krista chu a nih.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

GALATI 3:8

Pathien Lekha thu chun, Pathienin ringna leiin Jentailhai thiem ân changtir ding a nih ti hre lâwkin, “Nangmaa chun hnam tin malsâwmpêkin um an tih,” tiin Abraham kuomah Chanchin Ṭha chu a hril lâwk kha.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

THUPUONGSUO 7:9

Chu hnunga chun ka hang en a, chun, ngai ta, mipui nasatak tûkhawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmu a;