INṬANNA 12:2 - Pathien Lekhabu Inthieng (BSI)

² Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

INṬANNA 12:2 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, mîn hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

INṬANNA 17:20

Ismael chungthu khawm hi ka ngaipêk che a nih: ngai ta, ama chu mal ka sâwm ta a, chi tamtak inthlatir ka ta, nasatakin sukpung bawk ka tih; ama chun lal sâwmpahni thlâng a ta, ama chu chi ropuitakah la siem ka tih.

INṬANNA 18:18

Abraham hi chi ropui le thilthawtheitak a la hung ni ngei ding a ni si a, amaa chun khawvêla chi tin an la thawveng ding a ni si a.

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 19:29

Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.

INṬANNA 24:1

Chun, Abraham chu a hung upa a, a hung tar ta hle a; chun, Lalpain Abraham chu thil iengkimah mal a sâwm ta a.

INṬANNA 24:35

Lalpa chun ka pu chu nasatakin mal a sâwm a, mi lientak a hung ni a. Lalpa chun ama chu berâm ruol dâm, bâwng ruol dâm, tangka dâm, rângkachak dâm, suokpa dâm, suoknu dâm, sanghâwngseihai dâm, sabengtung dâm, a pêk bawk a.

INṬANNA 25:11

Abraham thi hnung chun Pathienin a naupa Isak chu mal a sâwm a; chu Isak chu Beer-lahai-roi kâwla chun a um a.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a ti a.

INṬANNA 28:14

i thlahai chu hnuoia pilvut zâtin la um an ta, thlangtieng dâm, saktieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

2 SAMUEL 7:9

chun, i fena taphawtah i kuomah ka um pei a, i hmaa chun i hmêlmahai ka sukbo pei a, hnuoia mi ropuitakhai hming ang hming ropuitak siempêk ka ti che.

1 LALHAI 1:47

Chun, lal siehlawhai chun, ‘I Pathienin i hming nêkin Solomon hming chu sukṭha sienla, i lalṭhungpha nêkin Solomon a lalṭhungpha chu sukropui lem raw se,’ tia ei lal David chu lâwmpui dingin an fe huoi huoi bawk a; chun, lal chu khum sikin a lo kûn pei bawk a.

JOB LEKHABU (THE BOOK OF JOB) 35:8

I rîtlona chun nangma ang bawkin mi a sukna thei a, Chun, i felna chun mihriem naupa chu a sukhlâwk thei a nih.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai naw a,

FESUOKNA 1:7

Nisienlakhawm, Israel mipuihai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um ta a.

FESUOKNA 32:10

chuleiin, tuhin mi mâksan rawh, an chunga ka lunginsenna chu a hung lum a, anni ka sukbohmang theina dingin; nang ruok chu hnam ropuitakah la siem ka ti che,” a ti a.

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

NAMBAR 14:12

nangmaa hin an nêka ropui le thilthawthei lem hnam inngir ka tih,” a ta.

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

NAMBAR 23:20

Ngai ta, mal sâwm dingin thu ka hmu a, Mal a sâwm ta a, ka sukdanglam thei nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 3:7

Chuleiin, hre ro, ringnaa umhai, chuonghai ngei chu Abraham nauhai an nih.

DÂN PAHNINA 26:5

Chun, Lalpa in Pathien hmaa chun, ‘Kan pu chu Suria mi, mi invai a na, Aigupta ramah a zu fe a, a zu um zing a, tlâwmte an na; chun, chutaka chun hnam ropuitak, thilthawtheitak, tamtak an hung ni ta a.