INṬANNA 12:18 - Pathien Lekhabu Inthieng (BSI)

¹⁸ Chuongchun, Pharao chun Abram chu a ko a, “Ka chunga i thilthaw hi iengtizie am a ni ta leh? I nuhmei a nih ti iengdinga i mi hril naw am a na?

INṬANNA 12:18 ပူးပေါင်းရင်းမြစ်များ

INṬANNA 12:19

Iengdinga ‘ka farnu a nih’ i ti? Chu lei chun an nâwm ka nuhmeia ka lo nei ta hiel hi: en rawh, taka hi i nuhmei, ṭhuoi la, fe hmang dai rawh,” a ta.

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni si a,” a ta.

INṬANNA 29:25

Chun, zîngtieng a hung ni chun Leah a lo ni zing el a; chuongchun, Jakobin Laban kuomah, “Ka chunga i thilthaw hi iengtizie am a ni a? Rakil nei dingin i rawng ka bâwl ni lo am a nih? Iengdinga i mi hlêm am?” a ti a.

INṬANNA 3:13

Chun, Lalpa Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.

INṬANNA 31:26

Chun, Laban chun Jakob kuomah, “I thilthaw hi iengtizie am a ni leh? ka hriet naw kâr i fe rûk dai a, kâwlhnâma salmanhai ang ela ka naunuhmeihai i ṭhuoi hmang hi?

INṬANNA 4:10

Lalpa chun, “Iengam i thaw leh? I sang thisen râwl chun hnuoia inthawkin a mi ko a nih.

INṬANNA 44:15

Chun, Josef chun an kuomah, “Ieng thil am an ta leh in thaw hi? Keia ang mi hin ai an sân thiem ngei ti in hriet naw am a nih?” a ta.

2 SAMUEL 3:24

Chuongchun, Joab chu lal kuoma chun a fe a, “I thil lo thaw hi iengtizie am a ni leh? Ngai ta, Abner chu i kuomah a hung a, iengdinga în fetir a, a fe dai el am a ni ta leh?

FESUOKNA 32:21

Mosie chun Aron kuomah, “Hi mipui hin i kuomah ieng am an thawa hienga an chunga suol nasatak în tlungtir hi?” a ti a.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?

1 SAMUEL 14:43

Chuongchun, Jonathan chunga chun a tlu ta a. Chun, Saula chun Jonathan kuoma chun, “Iengam a na i thaw mi hril raw khai?” a ta. Chun, Jonathan chun a hril a, “Ka hmawl chawi hmawrin khuoizu tlâwmte chu kân tem ngei el a, ngai ta, ka thi ngei ding a nih,” a ta.