INṬANNA 12:16 - Pathien Lekhabu Inthieng (BSI)

¹⁶ Chun, ama chun Sarai lei chun Abram chu ṭhatakin a sawngbâwl a; chuongchun, berâm dâm, bâwng dâm, sabengtung chal dâm, suokpa dâm, suoknu dâm, sabengtung pui dâm, sanghâwngsei dâm a nei pha ta a.

INṬANNA 12:16 ပူးပေါင်းရင်းမြစ်များ

INṬANNA 13:2

Chun, Abram chu ran dâm, tangka dâm, rângkachak dâmin a hausa êm êm a.

INṬANNA 13:6

An um rêlna dingin ramin a dai ta naw a, an thil nei chu a nasa hle si a; chuongchun, an um hmunkhat thei ta dêr da el a.

INṬANNA 16:1

Chun, Sarai, Abram nuhmei chun, nau hrim hrim a neipêk dêr naw a, Sarai chun Aigupta mi suoknu pakhat a nei a, a hming chu Hagar a nih.

INṬANNA 20:14

Chun, Abimelek chun berâmhai, bâwngchalhai le, suokpahai le suoknuhai a ṭhuoi a, Abraham kuoma chun a pêk a, a nuhmei Sara khawm chu a pêk kîr nâwk ta a.

INṬANNA 24:35

Lalpa chun ka pu chu nasatakin mal a sâwm a, mi lientak a hung ni a. Lalpa chun ama chu berâm ruol dâm, bâwng ruol dâm, tangka dâm, rângkachak dâm, suokpa dâm, suoknu dâm, sanghâwngseihai dâm, sabengtung dâm, a pêk bawk a.

INṬANNA 26:14

Berâm ruolhai, ran ruolhai a nei a, sûnghai tamtak a nei bawk a; chuongchun, Philistin mihai chun an thîk ta a.

INṬANNA 30:43

Chuongchun, Jakob chu nasatakin a hung pung a, ran ruol, ruol lientak dâm, suoknu le suokpa dâm, sanghâwngsei dâm, sabengtung dâm a hung nei ta a.

INṬANNA 32:5

Bâwngchal dâm, sabengtung le berâm dâm, suoknu le suokpa dâm ka nei bawk a, i lunginsietna ka hmu theina dingin, ka lalpa hril dingin mi ka hung tir a nih,’ a tih,” tiin, thu a pêk a.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

JOB LEKHABU (THE BOOK OF JOB) 42:12

Chuongchun, Lalpa chun Job chu a hun tâwp tieng chun a hun hmasa tieng nêk hmanin mal a sâwm ta a: berâm chu sîng khat le sâng li a nei a, sanghâwngsei sâng ruk leh, bâwngchal tuok sâng khat leh, sabengtungpui sâng khat a nei ta a.

LUKA 12:45

Amiruokchu, chu suok chun, a lungrilin ‘Ka pu hung vak naw ni,’ tiin suoknuhai, suokpahai lo vaw sienla, fain dâwnin lo inrui ta sienla;