INṬANNA 12:11 - Pathien Lekhabu Inthieng (BSI)

¹¹ Aigupta a lût ding lai chun a nuhmei Sarai kuoma chun, “Ngai ta, nuhmei hmêl ṭhatak i nih ti ka hriet;

INṬANNA 12:11 ပူးပေါင်းရင်းမြစ်များ

INṬANNA 12:14

Chun, Abram chu Aigupta a lût chun Aigupta mihai chun nuhmei chu an hmu a, a hmêl chu ṭha an ti êm êm a.

INṬANNA 20:13

Pathienin ka pa ina inthawka a mîn vaitir lai khan a kuomah, ‘Hi hi i lunginsietna ka chunga înlangtir ding chu a nih: ei tlungna hmun taphawtah, ‘Ka ṭapa a nih,’ mi ti pei rawh ka ti hrim a nih,” a ta.

INṬANNA 20:2

Chun, Abrahamin a nuhmei Sara chu, “Ka farnu a nih,” a ti a: chuongchun, Gerar lal Abimelek chun mi a tir a, Sara chu a vân ṭhuoitir a.

INṬANNA 24:16

Chu nunghâk chu a hmêl a ṭha hle a, nunghâk inthieng a ni a, pasal hrim hrimin an la pâwl ngai dêr nawh. Tuikhura chun a zu fe a, a tuibêl a thâl sip a, a hung tung ta a.

INṬANNA 26:7

Chu khuoa mihai chun a nuhmei chanchin an indawn a; ama chun, “Ka farnu a nih,” a ta: a hmêl a ṭhat leiin, “Hi khuoa mihai hin Rebeka lei hin mi that rawi an tih,” tiin, “Ka nuhmei a nih,” a ti ngam naw a nih.

INṬANNA 29:17

Leah chu mitmeng inkhup deutak a ni a, Rakil ruok chu pieng ṭhatak, hmêl ṭhatak a nih.

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

2 SAMUEL 11:2

Chun, zântieng nisa innêma chun hieng hi a hung na, David chu a khuma inthawk chun a tho a, lal in inchunga chun a hang lêng a; chun, inchunga inthawk chun nuhmei pakhat insil lai hi a hei hmu a, chu nuhmei chu hmêl ṭhatak a nih.

1 LALHAI 1:4

Nunghâk chu a hmêl a ṭha hle el a, lal chu a enkawl a, a rawng a bâwlpêk hlak a; nisienlakhawm, lal chun a pâwl naw a.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

THUVARHAI 29:25

Mihriem ṭîna hin châng a hung siem a, Lalpaa a ringna innghattu ruok chu him a tih.

HLAHAI HLA 1:14

Ka hmangaitak chu ka ta dingin henna pârbâwr, En-gedi grêp huona ang chu a nih.

1 SAMUEL 25:3

Chu mipa hming chu Nabal a nih; a nuhmei hming chu Abigail a nih, chu nuhmei chu bengvârtak, hmêlṭhatak a na; a pasal ruok chu mi biek intaktak le mi rilotak a nih; Kaleb thla a nih.