INṬANNA 10:2 - Pathien Lekhabu Inthieng (BSI)

² Japheth naupasalhai chu: Gomer, Magog, Madai, Javan, Tubal, Mesek le Tiras an nih.

INṬANNA 10:2 ပူးပေါင်းရင်းမြစ်များ

INṬANNA 10:1

Hieng hi Noa naupasal, Sem, Ham, le Japheth thlahai chu an nih; tuilêt hnunga naupasal an ineihai chu.

INṬANNA 10:21

Sem, Eber nau po pohai thlatu, Japheth u khawm chun nauhai a nei ve a.

INṬANNA 9:27

Pathienin Japheth chu suklien sienla, Sem puon inhaiah um raw se; Kanaan chu a siehlawin um raw se,” a ti bawk a.

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

EZEKIEL 27:19

Vedan le Javan khawm chu i thuomhnaw dingin Uzal uoinin an sumdâwng a, i sumdâwngna thuomhnaw lai chun thîr tle mi dâm, thingzungthak dâm, mafu dâm an ṭhang a.

EZEKIEL 27:7

Nangma inchikna bîk a nina dingin I puonzâr chu Aigupta mi puonzai inhmi ṭiel a nih. I inchung chu Elisa thlierkâra inthawka dumpâwl le sendukin.

EZEKIEL 32:26

Mesek le Tubal le an mipuihai po po leh an um a, an thlânhai chu a sîrvêlahai chun a um a, an rêng el chun sertanlo, kâwlhnâma lo tlu tah an na, mi hring rama chun an ṭitumna chu an lo inumtir ta a.

EZEKIEL 38:15

Hmârtieng kil khâwra hmunhaia inthawk chun hung i ta, nang le i kuoma mi tamtak leh, anni chu an rêngin sakawr chunga chuong, pâwl ropuitak, sipai pâwl thilthawtheitak nîng an ta;

EZEKIEL 38:2

“Mihriem naupa, Ros, Mesek le Tubal hai hotu tak Magog rama Gog tieng ngha la, a chunga chun thu hril la,

EZEKIEL 38:6

Gomer le a rawihai po po leh; chun, a hmârtieng tâwptaka chun Togarma sûngkuohai le a rawihai po po leh; hnam tamtakhai chu nang le ṭhang an nih.

EZEKIEL 39:1

“Chun, nang, mihriem naupa, Gog chunga chun thu hril rawh, hieng hin ti la, Lalpa Pathien chun hieng hin a tih: Aw Gog, Ros le, Mesek le, Tubal hotutak nang ka dodâl che a nih;

THUPUONGSUO 20:8

hnuoi kil lia hnamhai, Gog le Magog chu, hlêma, indonaa ṭhuoi khâwm dingin fe suok a tih; chuonghai tamzie chu tuipuia phaiphin ang el an nih.