INṬANNA 10:10 - Pathien Lekhabu Inthieng (BSI)

¹⁰ Ân lal phutna chu Sinar rama Babel, Erek, Akkad le Kalne khuo a nih.

INṬANNA 10:10 ပူးပေါင်းရင်းမြစ်များ

INṬANNA 10:9

Lalpa hmaa ramsuok mi hrâttak a nih; chuleiin a nih, “Lalpa hmaa ramsuok mi hrâttak Nimrod ang a nih,” an ti hlak chu.

INṬANNA 11:2

Chun, hieng hi a na, khawsak tienga an insawn pei lai chun Sinar ramah phaizâwl an hmu a; chutaka chun umhmun an khuor ta a.

INṬANNA 11:9

Chuleichun, a hming chu Babel an ti a; Lalpain chutaka chun hnuoia mi po po ṭawng chu a suktumpêk ta leiin: chutaka inthawk chun Lalpain anni chu hnuoi chung po poa chun a sukdar ta bawk a.

INṬANNA 14:1

Chun, Sinar lal Amraphel, Ellasar lal Ariok, Ellam lal Kedorlaomer le, Goiim lal Tidal dam lai chun hieng hi a na,

ISAI 10:9

Hamath khuo chu Arpad khuo ang el a ni tah a ni naw am a nih? Samari khuo chu Damaska khuo ang el a ni tah a ni naw am a nih?

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 39:1

Chuong lai chun Baladan naupa Babulon lal Merodakbaladan chun lekhahai le lâwmman Hezekia kuoma chun ân phur a, a na ti le a dam nâwk tah ti a lo hriet leiin.

JEREMIA 21:2

anni chun, “Kan ngên che, kan ta dingin Lalpa chu thu mîn dawnpêk rawh; Nebukadnezzar Babulon lal chun keini hi a mi hung do a; keinia inthawka a kîr theina dingin, a thilthaw maktakhai ang po po khan Lalpa chun keini a mi thawpêk ding âwm am” an ta.

JEREMIA 50:1

Zâwlnei Jeremia hmanga, Kaldaihai ram chungthu, Ba- bulon chungthua Lalpa thuhril chu:

JEREMIA 50:21

“Merathaim ram chu, chu ngei chu, Pekod hluotuhai le chun hang rûn ro; anni chu that unla, sukbohmang vawng ro, Lalpa chun a tih: thu ka pêk ang tak cheu chun thaw unla.

EZEKIEL 27:23

Haran le, Kanne le Eden, Seba sumdâwngtuhai chu, Assur le Kilmad leh i sumdâwngtuhai an nih.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pathien sum ina chun a hung lâk ta a.

AMOS 6:2

Kalne khuoa chun fe unla, en ro; chun, chutaka inthawkin Hamath khaw ropuia chun fe unla, en ro; chun, Philistin ram Gath khuoa chun fe thla unla, hieng ramhai nêk hin an ṭha lem am? In ram nêkin an ram chu a lien lem am?

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia inthawk fe suok i ta, ramah chêng i tih. Babulon chen khawmin i fe ding a ni si a: chutaka chun sansuokin um i ta, chutaka chun i hmêlmahai kuta inthawkin Lalpa chun sansuok a ti che.

MIKA 5:6

Assuria ram chu kâwlhnâmin suksieng an ta, Nimrod ram chu a lûtnaa chun sukse bawk an tih; chun, ama chun ei ramah Assuria mi a hung a, ei ram chu a hung sir pha chun, amaa inthawk chun mi sansuok a tih.

ZEKARIA 5:11

Ama chun, “Sinar rama a in bâwlpêk dingin, bâwl zo a ni pha chun chutaka chun bâwm chu ama inṭhutna ngeia chun sie nîng a tih,” a ti a.