INṬANNA 1:9 - Pathien Lekhabu Inthieng (BSI)

⁹ Chun, Pathienin, “Vân hnuoia tui umhai chu hmun khatah luong khâwm sienla, khawmuol chu inlang raw se,” a ta: chuongchun, chuong angtak chun a hung ni ta a.

INṬANNA 1:9 ပူးပေါင်းရင်းမြစ်များ

INṬANNA 1:8

Chun, Pathienin boruok lientak chu “Vân” ân bûk a. Chuongchun, zântieng a um a, zîngtieng a um bawk a; chu chu ni hnina.

NEHEMIA 9:6

“Nangma chau hi Lalpa i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

JOB LEKHABU (THE BOOK OF JOB) 26:10

Tuihai chunga chun ramri a riruong a, Sûn le zân tâwp chinhaia le chun.

JOB LEKHABU (THE BOOK OF JOB) 26:7

Hmun ruok chunga chun hmârtieng chu a keiphar a, Leihnuoi chu iengkhawm nilo chungah a khai bawk a,

INPÂKNA HLABU 104:3

Nang chun i pindan chunghnung kalkhanghai chu tuiahai khin i khang a, Sûmhai khi i tawlailîrah i siem a; Thli thla chungahai chun i lêng a.

INPÂKNA HLABU 33:7

Ama chun tuisuoriet tuihai chu iengkhat siekhâwm thûr angin a sukkhâwm a, Tui inthûktakhai chu siekhâwmna inahai a sieṭha hlak.

INPÂKNA HLABU 95:5

Tuisuoriet hi a ta a nih, ama siem a ni si a, Khawmuol khawm hi a kutsuok a nih.

THUHRILTU 1:7

Vadunghai po po chu tuisuorietah an luong lût a, Anachu tuisuoriet chu a sip naw a: Vadunghai chu an hung suokna hmun tiengah, chutieng ma chun an kîr nâwk a.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JONA 1:9

Ama chun an kuomah, “Hebrai mi ka na, tuipui le khawmuol siemtu Lalpa, vân Pathien chu ka ṭi a nih,” a ta.

2 PETER 3:5

Hieng hi an theinghil tehlêm hlak si; Tienlai khan Pathien thuin vânhai inumtir a ni a, hnuoi khawm tuia inthawka tuihaia siemin a lo um a;

THUPUONGSUO 10:6

chatuona hring zing, vân, a chunga thil umhai le hnuoi, a chunga thil umhai le, tuipui, a sûnga thil umhai le siemtu chu sâlin, “Hun um ta naw ni.