INṬANNA 1:28 - Pathien Lekhabu Inthieng (BSI)

²⁸ Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 1:28 ပူးပေါင်းရင်းမြစ်များ

INṬANNA 1:22

Chun, Pathienin, “Chi tamtak inthlain hung pung unla, tuipuia tuihai suksip ro, vatehai khawm hnuoiah pung raw hai se,” tiin mal a sâwm a.

INṬANNA 17:16

Ama chu mal sâwm ka ta, chu bâka khawm amaa inthawk naupasal pêng ka ti che: anih, ama chu mal sâwm ka ta, chi tum tum thlatunu ni tâng a tih, hnam tum tum lalhai amaa inthawk chun la hung suok an tih,” a ti nâwk a.

INṬANNA 17:20

Ismael chungthu khawm hi ka ngaipêk che a nih: ngai ta, ama chu mal ka sâwm ta a, chi tamtak inthlatir ka ta, nasatakin sukpung bawk ka tih; ama chun lal sâwmpahni thlâng a ta, ama chu chi ropuitakah la siem ka tih.

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 26:24

Chu zân ngei chun Lalpa chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti che a, ka siehlaw Abraham leiin i thlahai chu ka la sukpung ding a nih,” a ti a.

INṬANNA 33:5

Esau chu a hang dâk a, nuhmeihai le naupanghai chu a hmu a, “I ṭhuoihai hi tuhai am an ni a?” a ti a. Ama chun, “Pathienin lunginsiettaka i siehlaw kuoma a pêk naupanghai an ni hi,” a ti a.

INṬANNA 49:25

I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.

INṬANNA 5:2

anni chu nuhmei le pasalah a siem a nih, siema an um ni khan mal a sâwm a, an hming dingin “Mihriem,” ân bûk a.

INṬANNA 6:1

Chun, hieng hi a na, hnuoi chungah mihriem an hung pung a, naunuhmeihai an hung nei tâwl chun,

INṬANNA 8:17

Tisa po po laia mi thil hringna nei tinrêng i umpuihai, vate dâm, ran dâm, thilhring hnuoia bawkinvâka lâwn tinrêng dâm le khan i kuomah ṭhuoi suok rawh, hnuoia hin te neiin chi tamtak thlaha an hung pung theina dingin,” tiin.

INṬANNA 9:1

Chun, Pathienin Noa le a naupasalhai chu mal a sâwm a, an kuomah, “Chi tamtak inthlain hung pung unla, hnuoi hi hluo sip ro.

INṬANNA 9:7

Chun, nangni chu chi tamtak inthlain hung pung ro; hnuoia hin nau tamtak nei unla, a chunga hin hung pung ro,” a ta.

1 CHANCHIN SUINA 26:5

a parukna chu Ammiel, a pasarina chu Issakar, a parietna chu Peullethai; Pathienin ama chu mal a sâwm si a.

1 CHANCHIN SUINA 4:10

Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk ta a.

JOB LEKHABU (THE BOOK OF JOB) 39:11

A hrâtna chu a nasa leiin, ama chu i ring ding maw? Annawleh, ama kuoma chun i sininrimna chu în nghat ding am a nih?

JOB LEKHABU (THE BOOK OF JOB) 42:12

Chuongchun, Lalpa chun Job chu a hun tâwp tieng chun a hun hmasa tieng nêk hmanin mal a sâwm ta a: berâm chu sîng khat le sâng li a nei a, sanghâwngsei sâng ruk leh, bâwngchal tuok sâng khat leh, sabengtungpui sâng khat a nei ta a.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai naw a,

INPÂKNA HLABU 115:16

Vânhai khi Lalpa vânhai a na, Leihnuoi ruok hi chu mihriem nauhai kuomah a pêk a nih.

INPÂKNA HLABU 69:34

Hnuoi le vân chun ama chu inpâk raw se; Tuisuoriet le an sûnga thil châng thei taphawthai leh.

INPÂKNA HLABU 8:6

I kutsuokhai chunga hin thu în neitir a; A ke hnuoiahai iengkim i sie a:

INPÂKNA HLABU 8:7

Berâm le bâwnghai po po leh, Anih, ramsahai khawm chu;

ISAI 45:18

Lalpa vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni lovin a siem naw a, mihriem umna dingin ân ngîr lem a nih) hieng ang hin a ti si a, “Kei hi Lalpa chu ka na, a dang hrim hrim an um nawh.

LEVI DÂN 26:9

Ditsak ka ti cheu a, in kuomah ka thuthlung sukdet ka tih.

1 TIMOTHE 4:3

innei an khap hlak a, iengkhat fâk dinghai (thutak hrea ringtuhai lâwmthu hrila pawm dinga Pathienin a isiemhai chu) fâk naw ding an ti hlak.