INṬANNA 1:16 - Pathien Lekhabu Inthieng (BSI)

¹⁶ Chuongchun, Pathienin var ropuitak pahni khi a siem ta a; var ropui lem chu sûn rorêltu dingin, var ropui naw lem chu zân rorêltu dingin: arasihai khawm a siem bawk a.

INṬANNA 1:16 ပူးပေါင်းရင်းမြစ်များ

INṬANNA 1:15

hnuoi chung elvar dingin vân boruok lientaka chun varhai ni bawk raw hai se,” a ta: chuong angtak chun a hung ni ta a.

JOB LEKHABU (THE BOOK OF JOB) 31:26

Nisa chu vartaka a var lei le, Thla chu vartaka a fê lai ka thlîr a;

JOB LEKHABU (THE BOOK OF JOB) 38:7

Zîng arasihai chun hla an sak tâwlin, Pathien naupahai chu iengtik khan am hlimin an khêk a?

INPÂKNA HLABU 148:3

Nisa le thla hai, ama chu inpâk unla, Arasi var po pohai, ama chu inpâk ro.

INPÂKNA HLABU 148:5

Chuonghai chun Lalpa hming chu inpâk raw se, Ama chun thu a pêk a, siemin an hung um ta si a.

INPÂKNA HLABU 19:6

A suokna chu kâwlkawdawng tawpa inthawkin a na, A tlân kuolna chu a tâwp khingtieng chen a nih; A lumna chu hre lo dinga thuphmang hrim hrim a um nawh.

INPÂKNA HLABU 74:16

Sûn hi i ta a na, zân khawm i ta a nih; Nangin êntu le nisa khi i buotsai a.

INPÂKNA HLABU 8:3

I vân, i kutsuokhai, Thla le arasi i ruothai khi ka ngaituo châng chun,

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 24:23

Chu hnunga chun thla khi inzaktakin um a ta, nisa khi muolphotakin um a tih; sipaihai Lalpa chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni si a.

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu Lalpa chun hieng hin a tih: ama chu sipaihai Lalpa chu a hming a na;

HABAKKUK 3:11

Nisa le thla chu an umnaa chun an ngîr zing a, I thalhai kâp suoka umhai vara le, I fei tle zawr zawr vara chun.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw ni a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

1 KORINTH 15:41

Nisa ropuina chu a dang a, thla ropuina chu a dang a, arasihai ropuina chu a dang a, arasi le arasi khawm ropuinaa chun an inang si nawh.

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.