INṬANNA 1:14 - Pathien Lekhabu Inthieng (BSI)

¹⁴ Chun, Pathienin, “Sûn le zân ṭhêna dingin vân boruok lientaka chun varhai um sienla, chuonghai chu inchikna dâm, hunbi dâm, ni dâm, kum dâm hrietna ding ni raw se;

INṬANNA 1:14 ပူးပေါင်းရင်းမြစ်များ

INṬANNA 1:13

Chuongchun, zântieng a um a, zîngtieng a um bawk a, chu chu ni thumna.

INṬANNA 1:15

hnuoi chung elvar dingin vân boruok lientaka chun varhai ni bawk raw hai se,” a ta: chuong angtak chun a hung ni ta a.

INṬANNA 8:22

Hnuoi um sûng po bu tu le bu lâk, khaw dei le khaw lum, nipui le phalbi le, sûn le zân dâm hi bo naw nih,” a ta.

INṬANNA 9:13

Sûmah ka sumrisâng kân zâmtir a, chu chu kei le hnuoi inkâra thuthlung inchikna ding nîng a tih.

JOB LEKHABU (THE BOOK OF JOB) 25:3

A sipaihai chu iengzât tawp am an ni leh? Anni chunga chun a var chu a suok naw am a nih?

JOB LEKHABU (THE BOOK OF JOB) 25:5

Ngai ta, thla khawm khin varna a nei naw a, Arasihai khawm khi a mithmua chun an inthieng nawh;

JOB LEKHABU (THE BOOK OF JOB) 3:9

A sîkhawvar chu inthim sienla, Var zawng sienla, hmu bawk naw sienla; Zîngkâr khawfingchat khawm hmu bawk naw raw se.

INPÂKNA HLABU 119:91

Chuonghai chu vawisûn hin i rorêlhai angin an um zing a, Thil po po chu i siehlawhai an ni si a.

INPÂKNA HLABU 148:3

Nisa le thla hai, ama chu inpâk unla, Arasi var po pohai, ama chu inpâk ro.

INPÂKNA HLABU 148:6

Ama chun chuonghai chu kumkhawtluonga dingin a sukdet a; Thuruot, bohmang lo ding chu, a pêk a.

INPÂKNA HLABU 150:1

Lalpa chu inpâk ro, Pathien chu a hmun inthienga chun inpâk unla, A thilthawtheina boruok lientaka khin ama chu inpâk ro.

INPÂKNA HLABU 81:3

Thla thara chun tawtawrâwt mût unla, Thla lir laia ei ruoiṭhe hun lai leh.

ISAI 40:26

Chungtienga khin in mithai hang inlên unla, khienghai khi tu siem am an na, en ta u: ama chun sipaihai khi indawt peiin a ṭhuoi suok hlak a, an hmingin a ko seng hlak a; a hrâtna nasat lei le, thilthawtheina tienga a hrât leiin pakhat khawm kim naw an um ngai nawh.

JEREMIA 10:2

Lalpa chun hieng hin a tih: Hnamhai lampuihai chu inchûk naw la, chungtienga inchiknahaia chun lunginzîng el bawk naw rawh, hnamhai chu chuonghaia chun an lunginzîng hlak si a.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu Lalpa chun hieng hin a tih: ama chu sipaihai Lalpa chu a hming a na;

JEREMIA 33:20

“Lalpa chun hieng hin a tih: sûn le zân an huntaka um lo dinga ka sûn thuthlung le ka zân thuthlung hi in suksiet thei a ni chun,

JEREMIA 33:25

Lalpa chun hieng hin a tih: Zân le sûn dinga ka thuthlung hi a um zing naw a, hnuoi le vâna thil ruota umhai chu ka sukdet naw chun,

EZEKIEL 46:1

“Lalpa Pathien chun hieng hin a tih: huon sûng tuollai sûngril lem dâi kawtkhâr saktieng sawng saw ni ruk sinthaw sûng po inkhâr a ta; amiruokchu, châwlni chun inhawng a ta, thla thar nia khawm chun inhawng bawk a tih.

EZEKIEL 46:6

Chun, thla thar nia ding bâwng- chal tuoi demkailo pakhat nîng a ta; berâmte paruk le berâmchal leh; an rêngin demkailo an ni ding a nih;

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

JOEL 3:15

Nisa le thla dâm an inthim a, arasihaiin an varna an thup a.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluongtirtu chu, ama chu zawng unla, a hming chu Lalpa a nih,

AMOS 8:9

Chun, Lalpa Pathien chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw ni a, vâna arasihai hung tlâng an ta, vân thilthawtheinahai chu sukhnîngin um a tih.

MARKA 13:24

“Nisienlakhawm, chuong nia chuong rimsikna hnunga chun nisa sukthimin um a ta, thla var ta naw ni a,

LUKA 23:45

Chun, Pathien biekina puonzâr chu a laiah a lo tlêr ta a.

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.

THUPUONGSUO 6:12

Chun, inchikna parukna chu a hang sût lai ka en zing a, chun, simkhawleihnuoi nasatakin a hung inhnîng a; chun, nisa chu sahmul saiip puon angin a hung dum a, thla khawm chu a pumin thisen angin a hung um ta a.

THUPUONGSUO 8:12

Vântirko palina chun a hang mût a; chuongchun, nisa hmun thuma ṭhea hmun khat, thla hmun thuma ṭhea hmun khat, arasihai khawm hmun thuma ṭhea hmun khat chu suksiet a ni ta a; chuonghai hmun thuma ṭhea hmun khat chu ân thimna ding le, sûn chu hmun thuma ṭhea hmun khat a var nawna dingin, zân khawm chuong ang bawkin a nih.

THUPUONGSUO 9:2

Ama chun vânsam khur chu a hawng a; chuongchun, khura inthawk chun mei khu, rawtuina mei khu nasatak khu ang, a hung suok a; chun, khura mei lei chun nisa le boruok chu a hung inthim ta a.