INPÂKNA HLABU 74:3 - Pathien Lekhabu Inthieng (BSI)

³ Kumkhaw rêmna tieng chun i ke khai la, Dotuhaiin hmun inthienga chun thil suol tinrêng an thaw ta hi.

INPÂKNA HLABU 74:3 ပူးပေါင်းရင်းမြစ်များ

2 LALHAI 25:9

Lalpa in le lal in chu a raw a; Jerusalem in po po, in ropui taktakhai chu a raw a.

NEHEMIA 1:3

Ka kuoma chun, “Sala intâng suok tah, chu rama dama la umhai chu chan setak le hrilsietin an um a; chun, Jerusalem kul chu a chim rem rum ta a, a kawtkhârhai khawm a kâng a,” an ti a.

NEHEMIA 2:13

Zâna chun Ruom kawtkhâra chun ka suok a, Dragon Tuisunsuo tieng le Hmunhnawk kawtkhâr tienga chun ka fe a; Jerusalem kul chimhai le a kawtkhâr kânghai chu ka en vêl a.

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram ta a, a kawtkhârhai chu a kâng vawng ta si a, lungngai hmêl put lo thei am nîng ka ti?” ka ti a.

INPÂKNA HLABU 44:23

Aw Lalpa, har ta la, iengdinga i in am? Meng la, kumkhuo chun mi ngaitha naw.

INPÂKNA HLABU 44:26

Mi ṭhangpui dingin tho la, I ngilneina lei chun mi sansuok rawh.

INPÂKNA HLABU 79:1

Aw Pathien, hnam tin i rochana hin an lût a, I biekin inthieng hi an sukpawrche a, Jerusalem hi an sukchim rem rum a.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 9:17

Chuleiin, tuhin, aw kan Pathien, i siehlaw ṭawngṭaina le a hninahai chu ngai la, Lalpa zâra chun i Hmun Inthiengtak sukrêma um ta chunga chun i hmai chu invartir rawh.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

MIKA 1:3

Ngai ta u, Lalpa chu a hmuna inthawkin a hung suok a, hung ṭum a ta, hnuoi hmun insânghai chu a chîl ding a ni si a.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

MARKA 11:17

Chun, an kuoma chun, “ ‘Ka in chu hnam tin ta dinga ṭawngṭaina in tîng an tih,’ ti ziek a ni naw am a nih? Nangni ruok chun suomhmanghai pûkin in siem lem hi,” tiin ân chûktir ta a.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

JOSUA 10:24

Chuong lalhai chu Josua kuoma an hung ṭhuoi chun, Josua chun Israel mihai po po chu a ko khâwm a, a kuoma fe ve râl kâp mihai laia lusa deu deuhai kuoma chun, “Hung hnai unla, hieng lalhai ringahai hin in kephahaiin sir ro,” a ta. Chun, an hung hnai a, an ringahai chun an kephahai chun an sir ta a.

THUPUONGSUO 11:2

Biekin puotienga inhuonna sûng tuollai ruok chu inkhi sa naw, chu chu Jentailhai kuoma pêk a ni ta si a; anni chun khaw Inthieng chu thla sawmli pahni sir dêng an tih.