INPÂKNA HLABU 74:2 - Pathien Lekhabu Inthieng (BSI)

² I mihai inkhâwmhai, inhmaa i închâwk, Hnam i ro dinga i întlan kha, hre zing rawh; I umna hlak Zion tlâng leh.

INPÂKNA HLABU 74:2 ပူးပေါင်းရင်းမြစ်များ

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

DÂN PAHNINA 32:9

Lalpa chanvo chu a mihai an na, Jakob rawi chu a rochan an nih.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw Lalpa: I mipui i închâwkhaiin an fe khêl chen chun.

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

INPÂKNA HLABU 135:4

Lalpa chun Jakobhai hi ama ta dingin a thlang si a, Israelhai hi a ro bik dingin a thlang bawk a.

DÂN PAHNINA 4:20

Lalpa chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

ISAI 63:17

Aw Lalpa, nangin iengleiin am i lampuia inthawk dâm hin i mîn vâkhmangtir hlak a, nangma chu ṭi lo dinga kan lungril hi i mi sukngarpêk hlak am a na? I siehlaw, i rohluo hnamhai lei hin, hung kîr nâwk rawh.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

INPÂKNA HLABU 106:40

Chuleiin, Lalpa lung chu a mihai chungah ân thawk a, A rochan chu a tirdak ta a.

INPÂKNA HLABU 77:15

I bânin i mihai i sansuok a, Jakob le Josef nauhai chu.

INPÂKNA HLABU 68:16

Tlâng insângtakhai, Pathienin a umna dinga a tlâng dit chu, Iengdinga îtthika in mel am a na? Anih, Lalpa chu chutaka chun kumkhuoin a um zing ding a nih.

INPÂKNA HLABU 33:12

Lalpa Pathiena nei hnam chu an hamṭha a, Ama rochan dinga a thlang mihai chu.

INPÂKNA HLABU 9:11

Lalpa, Ziona um chu inpâkin hla sak unla, Mihai lai chun a thilthawhai chu hril ro.

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat si a,’ ka ti a.

DÂN PAHNINA 9:26

Chun, Lalpa kuoma chun ka ṭawngṭai a, ‘Aw Lalpa PATHIEN, i ropuinaa în tlan, kut hrâttaka Aiguptaa inthawka în tlansuok, i mihai le i rochanhai chu sukbohmang naw rawh.

INPÂKNA HLABU 9:12

Thisen insuo suosal hlaktu chun anni chu a hriet zing hlak si a, Mi rimsihai khêkri a theinghil ngai nawh.

INPÂKNA HLABU 94:14

Lalpa chun a mihai a pei thlâk âwm si naw a, A rochan chu mâksan bawk naw nih.

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,