INPÂKNA HLABU 71:9 - Pathien Lekhabu Inthieng (BSI)

⁹ Ka tar pha leh mi pei thla naw la, Ka tha a ṭhum pha leh mi mâksan bawk naw rawh.

INPÂKNA HLABU 71:9 ပူးပေါင်းရင်းမြစ်များ

2 SAMUEL 19:35

Tuhin kum sâwmriet mi ka na, a sie le ṭha khawm thlier thei am ka la nih? I siehlaw hin ka thil fâk le dâwn hi ân hnik naw khawm ka hriet hran thei ta am a nih? Nuhmei le pasal hla sak ri khawm ka hriet hran thei ta am a nih? Chuleiin, i siehlaw hi iengdingin am ka pu ta ding hin phurrik ni el ka ta?

INPÂKNA HLABU 71:18

Anih, aw Pathien, ka hung tar a, ka lu a hung inṭuok pha khawm mi mâksan lul naw la, I hrâtna hi ruolthar nâwkhai kuoma le I thilthawtheina hi la hung um dinghai taphawt kuoma kân hriettir hmakhat chu.

INPÂKNA HLABU 73:26

Ka taksa le ka lungril hi a chau ta a, Nisienlakhawm, Pathien chu kumkhuoa ka lungril hrâtna ding le ka chanvo a nih.

INPÂKNA HLABU 90:10

Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.

ISAI 46:4

in tarkûn chen khawma ama chu nîng ka ta, in lua kêlsam a ṭo vawng chen khawma pawm ka ti cheu, keiin ka siem a, keima bawkin ka puok a, anih, kei chun pawm ka ta, sandam ka tih.

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.