INPÂKNA HLABU 71:2 - Pathien Lekhabu Inthieng (BSI)

² I felna leiin mi sanhimin, mi sansuok la, Keia tieng hin i na hung sit la, mi sandam rawh.

INPÂKNA HLABU 71:2 ပူးပေါင်းရင်းမြစ်များ

INPÂKNA HLABU 143:1

Aw Lalpa, ka ṭawngṭâina hi ngai la, lunginsiet ka hninaa hin na lo sit la, I ringumna le felna leiin mi hung dawn rawh.

INPÂKNA HLABU 143:11

Aw Lalpa, i hming leiin mi sukhar la; I felna leiin ka hringna hi lunginzîngnaa inthawkin ṭhuoi suok rawh.

INPÂKNA HLABU 17:2

Ka chungthua thu tlûkna chu i hmaa inthawka suok ni sienla, I mit chun thlierbîk nei nawna en raw se.

INPÂKNA HLABU 17:6

Aw Pathien, ka ko hlak che a, nangin i mi dawn âwm si a, Keia tieng hin i na hung sit la, ka thu hril hi ngai rawh.

INPÂKNA HLABU 31:1

Aw Lalpa, nangmaa chun ka ringna kân nghat hlak a, Iengtika khawm muolphoin mîn umtir naw la: I felna lei chun mi sanhim rawh.

INPÂKNA HLABU 31:2

Keia tieng hin i na hung sit la, mi sanhim vat la, Ka ta dingin lungpui dettak, mi sandam dinga humhimna in, hung ni rawh.

INPÂKNA HLABU 34:15

Lalpa mit chun mi felhai tieng a en hlak a, Ama chun an khêk hre dingin a ngai zing hlak.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

DANIEL 9:16

Aw Lalpa, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thlatuhai khawhlonahai lei chun Jerusalem le i mihai chu kan vêla mi po pohai hrilinsîm kan lo ni ta hi.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.