INPÂKNA HLABU 69:16 - Pathien Lekhabu Inthieng (BSI)

¹⁶ Aw Lalpa, mi hung dawn la, i ngilneina chu a ṭha si a, I lainatna nasat ang peiin keia tieng hi hung ngha la.

INPÂKNA HLABU 69:16 ပူးပေါင်းရင်းမြစ်များ

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 109:21

Nisienlakhawm, aw Pathien Lalpa, nangin i hming leiin mi thawpui la, I ngilneina chu a ṭhat leiin mi sanhim rawh.

INPÂKNA HLABU 18:5

Seol hruihruolhai chun a mi khuop tlat a, Thina chânghai chun a mi âwk a;

INPÂKNA HLABU 25:16

Keia tieng hung ngha la, mi lunginsiet rawh, Khawsâwt le rinumtakin ka um si a.

INPÂKNA HLABU 26:11

Nisienlakhawm, kei chu lungril ṭhatak putin um ka tih, Mîn tlan la, mi lunginsiet rawh.

INPÂKNA HLABU 36:7

Aw Pathien, i ngilneina chu a va hlu de! Mihriem nauhai chun i thla hnuoi an inchû hlak.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 63:3

I zainêmna hi hringna nêka a ṭhatlem leiin, Ka hmûr hin inpâk a ti che.

INPÂKNA HLABU 69:13

Nisienlakhawm, aw Lalpa, kei chun chu hun lâwmumah, i kuomah a nih ka ṭawngṭâi chu; Aw Pathien, i ngilneina nasatak leiin, I sandamna thutak chun mi hung dawn rawh.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

MIKA 7:19

Ngha kîr nâwk a ta, ei chungah lunginsietna nei a tih; ei khawhlonahai chu a ke hnuoiah sirdêng a tih; nangin an suolnahai po po chu tuipui mawng inthûktakhaia chun pei lût i tih.