3 Aw Lalpa, zîngkâr chun ka râwl hi lo hre hlak i ta, Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.
Chuongchun, mi rimsi khêk ri chu ama kuom an intlungtir a, Chun, ama chun sukrimsia um khêk ri chu a lo hriet a.
Varṭien chu ka khal a, ka khêk hlak a, I thuhai chu ka beisei hlak.
Lalpa, ka râwl hi lo ngai la, Lunginsiet ka hnina râwl hi, I nain lo ngai raw se.
Vêngtuhaiin khawvar an thlîr nêka nasain, Anih, vêngtuhaiin khawvar an thlîr nêka nasa hmanin, Ka hringna hin Lalpa chu a thlîr zing hlak a nih.
Aw Laltak, ka Pathien, chawimawi ka ti che a, I hming hi kumkhawtluongin inpâk ka tih.
Aw ka Pathien, sûnah ka khêk a; nisienlakhawm, i dawn si nawh, Zânah ka khêk bawk a, ka to chuong nawh.
Nangma leiin a mi dotuhai chu sikthlûng kan ta, I hming leiin a mi thawtuhai chu chîl hrep kan tih.
Zântieng dâm, zîngkâr dâm, sûna dâm ka lunginzîngna thu hrilin inrûm ka ta: Chuongchun, ama chun ka râwl lo ngai a tih.
Aw Lalpa, mi hung dawn la, i ngilneina chu a ṭha si a, I lainatna nasat ang peiin keia tieng hi hung ngha la.
Nisienlakhawm, Pathien chu inhma chena ka Lal a nih, Hnuoi laitaka sandamna siemhlaktu chu.
I ina umhai chu an hamṭha a, Nang chu inpâk rawp an ti che.
Aw Lalpa, kei ruok chun ka ko che a, Ka ṭawngṭaina chun zîngkâr tuok a ti che.
Ka hringna hin zâna chun a ngai che a; anih, ka sûnga thlarau um hin zîngkâr chun ka zawng che; i rorêlnahai chu hnuoiah a um po leh khawvêla umhai chun felna chu an inchûk hlak si a.
Ka râwl chu i hriet a, ka khêkna le, kân thuoknaah i na chu suksêt naw la.
Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.