INPÂKNA HLABU 3:3 - Pathien Lekhabu Inthieng (BSI)

³ Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

INPÂKNA HLABU 3:3 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

INṬANNA 40:13

Tuta inthawk ni thuma chun Pharaoin i lu dawm kâng a ta, i sinthaw chu inthawtir nâwk a ti che: chuongchun, a uoin petu i ni laia i pêk dân pângngai ang khan Pharao no chu a kutah i pêk nâwk ding a ni chu.

2 LALHAI 18:30

Hezekia chun, Lalpain mi sanhim ngei a ta; chun, hi khawpui hi Assuria lal kuta chun pêk ni naw nih, tiin Lalpa chu inringtir naw raw se cheu.

2 LALHAI 18:32

nangni ram anga bu le uoin ram, bei le grêp huon ram, oliv le khuoizu ram, thi lova in hring theina ding rama ka hung ṭhuoi hmakhat cheu chun; Hezekian, Lalpain mi sanhim a ta, tia a thlêm cheu khawmin pawm nuom naw ro.

2 LALHAI 25:27

Chun, Juda lal Jehoiakin sala ân tâng kum sâwmthum le kum sarina, thla sâwm le thla hnina, ni sâwmhni le ni sari niin Babulon lal Evil-merodakin ân lal ṭan kumin Juda lal Jehoiakin chu intângna ina inthawkin a ṭhuoi suok a,

INPÂKNA HLABU 110:7

Lampuia vadunga tui chu dâwn a ta, Chu lei chun a lu chu dawm sâng a tih.

INPÂKNA HLABU 119:114

Nang chu kân bîkhmangna le ka phaw i na, I thu ka beisei a nih.

INPÂKNA HLABU 18:2

Lalpa chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 27:6

Tuhin chu a mi dotu, a mîn huolvêltuhai chungtieng ka lu hi dawm kângin um a tih, Chuongchun, a puon ina chun hlimna inthâwinahai inhlân ka tih; Hla sak ka ta, anih, Lalpa inpâkin hla sak ka tih.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 4:3

Lalpa chun Pathien ngaisak mi chu ama ta dingin a sie tum ti hi hre lem ro: Lalpa chun ka ko po leh ngai a tih.

INPÂKNA HLABU 62:7

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

ISAI 45:25

Israel thlahai po po chu Lalpaa chun a nih thiem inchangtira an um a, Lalpa chu an sawng ding chu,” tiin.

ISAI 60:19

Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

THUPUONGSUO 21:11

Pathien ropuina a nei a, a varzie chu lung mantamtak ang, jaspi lung ang el hi a na, krustal lung angin a tle a nih.

THUPUONGSUO 21:23

Chu khuo chun a ên dingin nisa a ngai naw a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni si a.