INPÂKNA HLABU 2:4 - Pathien Lekhabu Inthieng (BSI)

⁴ Vâna ṭhungpa chu innui a ta: Lalpa chun anni chu nuisan a tih.

INPÂKNA HLABU 2:4 ပူးပေါင်းရင်းမြစ်များ

2 LALHAI 19:21

Hi hi a chungchâng thu Lalpain a hril chu a nih, ‘Zion naunu nunghâk chun a hmusit che a, a nuisan che a nih; Jerusalem naunu chun a lu a thin khum bawk che a.

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

INPÂKNA HLABU 123:1

Aw, nang vâna ṭhung hlak, Nanga tieng ka mit ka hung inlên hlak.

INPÂKNA HLABU 37:13

Lalpa chun ama chu nuisan a ta, A ni a hung tlung ding a ni tah ti a hriet leiin.

INPÂKNA HLABU 53:5

Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta si a; Pathienin anni chu a pei thlâk leiin i sukmuolpho ta a.

INPÂKNA HLABU 59:8

Nisienlakhawm, aw Lalpa, nangin anni chu nuisan lem i ta; Hnam tinrêng chu nuiêu i tih.

INPÂKNA HLABU 59:9

Aw ka hrâtna, nghâk zing ka ti che. Pathien chu ka kulbîng insâng a ni si a.

INPÂKNA HLABU 68:33

Vânhai vân, tiena umhai chunga chuong chu, Ngai ta, a râwl ân suo ie, râwl nasatak el chu.

THUVARHAI 1:26

Kei khawm in lunginzing nia chun innui ka ta, In ṭitna hung pha khawm chun nuisan ka tih,

ISAI 40:22

Ama chu leihnuoi inkuolkhumna chunga ṭhung chu a nih; a mithmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?