INPÂKNA HLABU 127:3 - Pathien Lekhabu Inthieng (BSI)

³ Ngai ta, nau le têhai hi Lalpaa inthawka ei rochan an na, Rîla ra hi a lâwmman mi pêk a nih.

INPÂKNA HLABU 127:3 ပူးပေါင်းရင်းမြစ်များ

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuipuia nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 24:60

Chun, Rebeka chu mal an sâwm a, a kuomah, “Kan farnu, nang chu sîng ruoka sâng tamtak nu hung ni la, i thlahai chun anni theidatuhai kul kawtkhâr chu neipêk raw hai se,” an ta.

INṬANNA 33:5

Esau chu a hang dâk a, nuhmeihai le naupanghai chu a hmu a, “I ṭhuoihai hi tuhai am an ni a?” a ti a. Ama chun, “Pathienin lunginsiettaka i siehlaw kuoma a pêk naupanghai an ni hi,” a ti a.

INṬANNA 4:1

Chun, Adam chun a nuhmei Evi chu a pâwl a; chuongchun, ân rai a, Kaina a hung nei a, “Lalpa ṭhangpuinain pasal ka nei tah,” a ta.

INṬANNA 48:4

‘Chi tamtak inthlatir ka ti che a, sukpung bawk ka ti che a, chi tum tum um khâwmah siem ka ti che; chun, hi ram hi i hnunga i thlahai kuoma chun kumkhaw ro dingin pêng ka tih,’ a mi ti a.

2 SAMUEL 3:5

chun, a parukna chu Ithream, David nuhmei Egla le an kâra mi a nih. Hieng hai hi David nau Hebrona pienghai chu an nih.

1 CHANCHIN SUINA 28:5

chun, ka naupasalhai po laiah (Lalpa chun naupasal tamtak a mi pêk si a), Israel chunga Lalpa rama lalṭhungphaa ṭhung dingin ka naupa Solomon chu a thlang ta a.

1 CHANCHIN SUINA 8:40

Chun, Ulam naupasalhai chu mi hrât khawkhêng, thal kâp mihai an na, naupasal tamtak an nei a, an tu-le-tehai za le sâwmnga an nih. Hienghai po po hi Benjamin naupasalhai chu an nih.

JOB LEKHABU (THE BOOK OF JOB) 1:2

Ama chun naupasal pasari le naunuhmei pathum a nei a.

ISAI 13:18

An thalngulhai chun tlangvâlhai chu suknâwi a ta; mi rîla ra lunginsietna hrim hrim nei naw ni hai a; an mit chun naupanghai khawm hla naw nih.

ISAI 8:18

Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

DÂN PAHNINA 28:11

Chun, nangni pêk dinga in pi le puhai kuoma Lalpain a lo tiem rama chun in rîla rahai, in ran ruol punghai, in hnuoi rahaia dâm, Lalpain nasatakin sukpung a ti cheu.

DÂN PAHNINA 28:4

In rîla rahai, in hnuoi rahai, in ran ruol pung, in bâwngpui le berâm ruol pung dâm chu malsâwmin um a tih.

RORELTUHAI 12:9

Ama chun naupasal sâwmthum a nei a, naunuhmei sâwmthum chu ama chipui ni lohai ân neitir a; chun, a naupasalhai ta ding chun ama chipui nilo mihaia inthawkin naunuhmei sâwmthum a ṭhuoipêk bawk a. Chun, Israelhai chungah kum sari ro a rêl.

1 SAMUEL 1:27

Hi naupang hni hin ka ṭawngṭai a na, chun, Lalpa chun ka hni chu a mi pêk ta a.