INPÂKNA HLABU 100:3 - Pathien Lekhabu Inthieng (BSI)

³ Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 100:3 ပူးပေါင်းရင်းမြစ်များ

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 119:73

I kutin i mi siemin, i mîn din a nih, I thupêkhai chu kân chûk thiem theina dingin hrietthiemna mi pe rawh.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 PETER 4:19

Chuleiin, Pathien remti zâwng anga tuorhai chun, thil ṭha thawin an thlarauhai chu Siemtu ringumtak kuomah inkawltir raw hai se.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin Lalpa chu Pathien a nih ti hre ro; a dang hrim an um nawh.

DÂN PAHNINA 4:35

Lalpa chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

INPÂKNA HLABU 79:13

Chuongchun, keini i mihai, i ran tlatna hmuna berâmhai hin, Kumkhawtluongin lâwmthu hril kan ti che a, Suon po po chenin nangma inpâkna chu inhriettir pei kan tih.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

INPÂKNA HLABU 78:52

Nisienlakhawm, ama mihai chu berâm angin a ṭhuoisuok a, Ranruol angin thlalêra khan a ṭhuoi a.

EZEKIEL 34:11

“Lalpa Pathien chun hieng hin a ti si a; Ngai ta, keima ngeiin, keiin ka berâmhai chu zawng ka ta, zawng suok bawk ka tih.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

ISAI 63:19

An chunga ro i rêl ngai nawna, i hming put ngailohai ang chu kan hung ni ta hi.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuipuia inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

2 LALHAI 19:19

Chuleiin, aw Lalpa kan Pathien, nang, nangma chau hi Lalpa Pathien i nih ti hnuoi chung ram po po hin an hriet theina dingin amaa inthawk hin mi sanhim ngei ngei rawh,” tiin.

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

THUHRILTU 12:1

I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

INPÂKNA HLABU 95:3

Lalpa chu Pathien ropuitak a ni si a, Pathien po po chungah Lal ropuitak a nih.

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

JOB LEKHABU (THE BOOK OF JOB) 10:3

Nanga ngaiin, i nêksâwr a, I kut sinthawhai chu i hmusit a, Mi rilohai inrâwnna i sukvar chu a ṭha am a nih?

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

DÂN PAHNINA 32:6

Aw mi invêt le var nawhai, Chuong ang chun maw Lalpa chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

DÂN PAHNINA 32:15

“Jakobin khawptakin a fâk a, Jesurun chu a hung hausa a, a hung hel ta a. A hung thâu a, a hung inchawm a, a hung nâm ta a; A siemtu Pathien a nghatsan a, A sandamna Lungpui chu a ngainêp a.

1 CHANCHIN SUINA 16:14

Ama chu Lalpa ei Pathien chu a nih, A rorêlhai chu hnuoi chung po poa hin a um.

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.