INPÂKNA HLABU 1:3 - Pathien Lekhabu Inthieng (BSI)

³ Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

INPÂKNA HLABU 1:3 ပူးပေါင်းရင်းမြစ်များ

INṬANNA 39:23

Lalpa chu Josef kuomah a um a, a thilthaw taphawt Lalpa chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta naw a.

INṬANNA 39:3

A pu chun Lalpa chu a kuomah a um a, a thilthaw taphawt Lalpain a kutah ân hlawtlingtir ti a hmu a.

2 LALHAI 18:7

Chuongchun, Lalpa chu a kuomah a um a; a suok invâkna taphawta chun a tluongtlung pei a; Assuria lal chunga chun a hel a, a rawng a bâwl ta naw a.

1 CHANCHIN SUINA 22:11

Tuhin, ka naupa, Lalpa chu i kuomah um a ta, inhlâwtlingtir a ti che a, nangma chungthua a hril ta angin, i Pathien Lalpa in chu bâwl la.

1 CHANCHIN SUINA 22:13

Israel chungthua Lalpain Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

2 CHANCHIN SUINA 31:21

Chun, Lalpa ina rawngbâwlna sin a thaw tinrênga le, dâna le, thupêkahai chun, a Pathien chu zawng dingin lungril po poin a thaw hlak a; a hlawtling ngei a.

2 CHANCHIN SUINA 32:23

Chun, mi tamtak chun Jerusalemah Lalpa kuomah thilpêkhai le, Juda lal Hezekia kuomah thil hluhai an hung chawi a; chuongchun, chutaka inthawk chun hnam po pohai mithmua chun chawimawiin a um ta a.

JOB LEKHABU (THE BOOK OF JOB) 14:9

Tui riminhnikna lei chun la hung inder a ta, Thil phun angin a zârhai hung zâr suok a tih.

JOB LEKHABU (THE BOOK OF JOB) 22:28

Thil hung ngiet i ta, chu chu nanga ta dinga thaw ni tâng a tih: Chun, i lampuihaia chun var ta bawk a tih.

INPÂKNA HLABU 128:2

I kut sininrim ra chu i fâk ding a ni si a, Lâwmtakin um i ta, thawvengin um bawk i tih.

INPÂKNA HLABU 129:8

“Lalpa malsâwmna in chungah um raw se, Lalpa hmingin mal kan sâwm cheu hi,” A fe khêltuhaiin an ti ngai bawk nawh.

INPÂKNA HLABU 92:14

Tar hnung khawma la ra rawp an ta, Tuihnâng pâi ṭeuin hring hlut hlut an tih.

INPÂKNA HLABU 92:15

Lalpa chu mi indiktak a nih ti inlangtirna dingin, Ama chu ka lungpui a nih, amaa chun fel nawna hrim hrim a um nawh.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.

ISAI 44:4

chuongchun, anni chu tuiluongna kâwla phahrâm mâwng ang hin, hlohna lai chun mâwng an ta.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

JEREMIA 17:8

Tuihai sîra thing phun, a zunghai khawm vadunga kai ang, lumna a hung tlung pha khawma ṭi lo, a hnahai hring zing lem, khaw inṭhâl kuma hai khawm pawisa lo, ra insuo zing hlak ang a nih.

EZEKIEL 17:8

tui tamtakhai sîrah hnuoi ṭhatna hmuna chun phunsawn a ni ta a, kâuhai a hung insuo a, ra a hung nei a, grêphrui ṭhatak a hung ni theina dingin.

EZEKIEL 19:10

I nu chu i thisena chun tuihai kâwla phun, grêphrui, Tuihai tam leia ra nuomtak le kâua sip ang a nih.

EZEKIEL 31:5

Chuongchun, ân sângzie chu lova thing po pohai chunga chawisângin a um a, A kauhai chu a tam a, a zârhai chu tui tam lei chun, An hung inzar suok sei tâwl a.

EZEKIEL 47:12

Chun, vadungpui pang sîra chun hi tienga le khingtieng sîra khawm bua ring dingin thinghai ṭo an ta; an hna vuoi ngai naw ni a; an ra khawm hrût ngai bawk naw nih; thla kipin ra thar hung insuong an ta, an ta dingin tuihai hmun inthienga inthawka a hung luong zing leiin; an rahai chu bua ring ding nîng a ta, an hnahai chu sukdamna ding nîng an tih,” a ta.

NAMBAR 24:6

Ruom angin în phar dûr el a, Vadung panga huon angin, Lalpa phun aloes ang, Vadung panga sidar thinghai ang an nih.

MATTHAI 13:6

Nisienlakhawm, nisa a hung insâng deuin em vuoiin a hung um a, zung a nei naw leiin a rawp el ta a.

MATTHAI 21:19

Chun, lam sîra chun theichang kûng a hmu a, a va pan a, a hna chau naw chu iengkhawm a hmu naw a.

MATTHAI 21:34

Chun, a ra lo a hun ding chun, a ra lo dingin lo enkawltuhai kuomah a suokhai a tir a.

MATTHAI 21:41

Anni chun a kuomah, “Chuong mi suolhai chu rimsitakin sukbohmang a ta, grêp huon chu lo enkawltu dang, a lo pha po leh a rahai chu a kuomah pe pei dinghai kuomah thlohlaw dingin pêng a tih,” an ta.

JOHAN 15:6

Mi keimaah a um zing naw chun kâu anga peihâwnin a um a, a vuoi hlak; chun, an inkhâwm a, meiah an pei a, a kâng hlak.

DÂN PAHNINA 28:8

Lalpain in bu in chunga dâm, in kutsuok chung po poa dâm, malsâwmna thu pêng a ta, Lalpa in Pathienin ram a pêk cheua chun malsâwm a ti cheu.

JUDA 1:12

Chuonghai chu, zakmawtaka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an ni a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawk tahai an nih;

THUPUONGSUO 22:2

Chun, vadung pang tuoka chun Hringna Thing, chi tum sâwm le pahnia ra, thla kipa ra, a um a; chu thing hnahai chu hnam tin sukdamna ding a nih.