HOSEA 9:9 - Pathien Lekhabu Inthieng (BSI)

⁹ Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

HOSEA 9:9 ပူးပေါင်းရင်းမြစ်များ

FESUOKNA 32:7

Lalpa chun Mosie kuomah a hril a, “Inhmaw la, fe thla rawh, i mihai Aigupta rama i ṭhuoi suokhai khan anni le anni an insuksiet ta si a:

ISAI 24:5

Hnuoi hi a umhai hnuoia chun a pawrche zo ta a; dânhai chu an bawsiet a, thuruot chu an sukdanglam a, kumkhaw thuthlung chu an bawsiet leiin.

ISAI 31:6

“Aw Israel thlahai, nasataka in helsan tieng chu ngha nâwk ta ro.

JEREMIA 14:10

Lalpa chun hi mihai chungthua chun hieng hin a tih: Invâk invâk hi an nuom zâwngtak a lo ni ta a: an kehai khawm an thunun naw a; chuleiin, Lalpa chun anni chu a pawm naw a; tuhin an suolnahai chu hre zing a ta, an suolhai lei chun anni chu hrem a tih.

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa Pathien chun hieng hin a tih, ti rawh: Kâwlhnâm, kâwlhnâm chu thatna dingin phawi a ni a, kâwlinlep ang ela tle zawr zawr dinga nâwt tlêt a nih.

HOSEA 10:9

Aw Israel, Gibea nihaia inthawk ta khan i suol ta a; Chutaka chun an la ngîr zing a; Rîtlona nauhai dona chun Gibea ngeiah chun a hnawtphâk tâwl naw ding maw?

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat ta a, Ka hmaihma ngeiah an um a nih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

HOSEA 9:8

Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

ZEPHANIA 3:7

Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

RORELTUHAI 19:12

A pu chun a kuomah, “Israel thlahai ni si lo hnam khuoa chun lût lo e a, Gibea khuo tieng pan pei lem ei tiu,” a ti a.

RORELTUHAI 19:16

Chun, ngai ta, tar pakhat hi zântieng chun a lo fe a hung a, ama chu Ephraim tlâng rama mi a nih. Gibeaa chun a va um vak a nih, chutaka mihai ruok chu Benjamin mihai an nih.

RORELTUHAI 19:22

Chuong anga hlim le lâwmtaka an um lai chun, ngai ta, chu khuoa mi Belial naupasal ṭhenkhathai chun in chu an hung inhuol ta a, kawtkhâr chu an hung suk dawt dawt a, in neitupa, tarpa kuoma chun, “I ina hung tlungpa kha hung ṭhuoi suok rawh, lo pâwl kan tih,” an ti a.

RORELTUHAI 20:43

Benjamin mihai chu an inhuol ta tlat a, an hnawt a, nisa suokna tieng Gibea dep an châwlna hmunah an hnawt phâk a.