HOSEA 9:8 - Pathien Lekhabu Inthieng (BSI)

⁸ Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

HOSEA 9:8 ပူးပေါင်းရင်းမြစ်များ

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 18:1

Chun, ni tamtak hnunga chun, a kum thum kuma chun Lalpa thu chu Elija kuomah a hung tlung a, “Va fe la, Ahab kuomah vân lang rawh; chuongchun, hnuoi chunga hin ruo hung insûrtir ka tih,” tiin.

1 LALHAI 18:19

Chuleiin, tuhin Israelhai po po le Baal zâwlnei za li le sâwmnga leh, Asera zâwlnei, Jezebel dawkâna thlaithlêng awt ve hlakhai za li kha ka kuomah Karmel tlângah vân ko khâwmtir rawh,” a ta.

1 LALHAI 22:11

Chun, Kenaan naupa Zedekia chun thîr kihai a siempêk a, “Lalpa chun hieng ang hin a tih, ‘Hienghai hin Suria mihai chu chimit dêr khawpin sik i tih,’ tiin,” a ta.

1 LALHAI 22:22

Chun, Lalpain a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

1 LALHAI 22:28

Chun, Mikaia chun, “Lungmuongtaka i hung nâwk tâk leh, Lalpain kei mi hmang hin thu a hril naw nîng a tih,” a ta. Chun, ama ma chun, “Nangni mipuihai, in rêngin lo hre seng ro,” a ta.

1 LALHAI 22:6

Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

2 LALHAI 13:21

Chun, mi pakhat an phûm ding lai takin, ngai ta, rûntu pâwl pakhat an hei hmu a; chuongchun, ama chu Elisa thlâna chun an thlâk el ta a; chun, a ruong chun Elisa ruhai chu a zu tâwk phingleh, a hung hring nâwk a, a hung ngîr el ta a.

2 LALHAI 2:14

Chun, Elija puon amaa inthawka tla chu a lâk a, “Elija Pathien Lalpa chu khâwlai am a um a?” a ti a, tui chu a vuok a, chuongchun, khingtieng khingtieng chun tui chu an lo inṭhe ta a. Chun, Elisa chu râlkhing chu a kai ta a.

2 LALHAI 2:21

Chun, tuikhur hnârahai chun a hang fe a, chutaka chun chi chu a phul a, “Lalpa chun hieng hin a tih, ‘Hi tui hi ka sukhnik ta a, tuta inthawk chu thina hrim hrim le, takchangnawna po po ka sukbo tah,’ tiin,” a ta.

2 LALHAI 4:41

Ama chun, “Chuong a ni chun, beiphit hung la ro,” a ta. Bêl sûnga chun a dêng lût a, “Mipui fâk dingin thur suok ta ro,” a ti a. Chuongchun, bêl sûnga chun thil ṭha naw hrim chu a um ta naw a.

2 LALHAI 4:43

A siehlaw chun, “Iengtin am hi hi mi za khat hmaa chun fâk dingin sieng ka ta?” a ti a. Nisienlakhawm, ama chun, “An fâk dingin mipuihai kuoma chun pe rawh, Lalpa chun ‘Fâng an ta, fa sêng naw ni hai,’ a ti a nih,” a ta.

2 LALHAI 5:14

Chun, a zu fe a, Pathien mi hril ang chun Jordan vadunga chun vawi sari a zûn phûm a; a taksa chu naupang chitê pang angin a hung um ta a, a hung inthieng vawng ta a.

2 LALHAI 5:27

Chuongchun, Naaman inphârna khan man a ti che a, kumkhuoin i thlahai khawm man pei a tih,” a ta. Chuongchun, a kuoma inthawk chun vûr anga vâra inphârin a fe suok ta a.

2 LALHAI 7:19

chun, sipai hotuin Pathien mi chu a dawn a, “Ngai ta, Lalpain vânah tukver a hawng ding a ni chu tie! Chuong ang chu ni thei hlak a ti maw?” a ti a, ama chun “Ngai rawh, i mit chun hmûng i ta, fâk ruok chu i fâk naw ding a nih,” tia a hril kha;

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

INPÂKNA HLABU 124:7

Châng kamtu chânga vate a suok angin ei hringna hi a suok ta a, Châng chu a se ta a, eini hi ei suok ta hlau a nih.

THUHRILTU 9:12

Mihriem chun a hun chu a hrietthiem naw a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

HLAHAI HLA 3:3

Vêngtu khawpui fang vêltuhai chun an mi hmu a, An kuoma chun, “Ka thlain a hmangai kha in lo hmu am?” ka ti a.

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,

JEREMIA 11:19

Nisienlakhawm, berâmte zainêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun tuthlâr ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet naw a.

JEREMIA 14:13

Chun, kei chun, “Aw Lalpa Pathien, ngai ta, zâwlneihai chun an kuoma chun, ‘Kâwlhnâmhai chu hmu ngai naw ti niu a, ṭâm khawm nei ngai naw ti niu a, amiruokchu, hi hmuna hin thlamuongna diktak chu pêng ka ti cheu,’ an lo tipêk hlak a,” ka ti a;

JEREMIA 23:13

Samaria zâwlneihaia chun invêtna ka hmu a, anni chun Baal hmangin thu an hril a, ka mi Israelhai chu an insuksuoltir a.

JEREMIA 31:6

Ephraim muolhaia vêngtuhai chun, ‘Tho unla, Lalpa ei Pathien kuomah Ziona chun fêng ei tiu,’ tia an khêkna nihai chu a la hung tlung ding a ni si a,” tiin.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.

JEREMIA 6:17

nisienlakhawm, “Chu chu hraw naw ning ungah,” an ti a. Chun, in chunga chun vêngtu ka sie a, “Tawtawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an ti a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

EZEKIEL 3:17

“Mihriem naupa, Israel sûngkuo vêngtu dingin ka siem che a nih: chuleiin, ka baua thu chu ngai la, keimaa inthawkin vaulâwkna chu pe rawh.

EZEKIEL 33:7

Chuongchun, nang mihriem naupa, Israel sûngkuo ta ding chun vêngtuah ka sie ta che a nih; chuleiin, ka baua thu chu hre la, anni chu keimaa inthawka vaulâwkna chu pe rawh.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni chunga ding a ni si a; Mizpaa chun châng in ni a, Tabor tlânga lên in zar leiin.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:7

Nisienlakhawm, ka khêl hril leia Pathien thu indikzie ama sukropui khawp raua ân lang nâwk pei chun, ieng dinga kei khawm mi suol anga thiemnaw inchangtira la um rawp am ka na?

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.