HOSEA 9:6 - Pathien Lekhabu Inthieng (BSI)

⁶ Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

HOSEA 9:6 ပူးပေါင်းရင်းမြစ်များ

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si naw a, Suria lal chun a sukbohmang vawng a, pilvut childip ang elin a siem a nih.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

THUVARHAI 24:31

Chun, ngai ta, hlinghaiin a lo ṭhangnel vawng a, A phêkin hling bukhaiin ân khum a, A lung banghai khawm chu a chim thla bawk a.

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 19:13

Zoan khuoa mi lienhai chu mi invêt an hung ni ta a, Noph khuoa mi lienhai chu hlêmin an um tah: Aigupta hnamhai kia lunghai chun Aiguptahai chu an invâkhmangtir tah.

ISAI 27:12

Chu nia chun Lalpa chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel mipuihai, pakhat khata rûtin um in tih.

ISAI 32:13

Ka mihai rama hin hlohlingneihai le buorhai chu tlâng a tih; anih, khawpui hlimumtaka hlimna in po pohai chunga chun,

ISAI 34:13

An lal inahai chun hlohlingneihai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta dingin in inhuon sûng tuollai nîng a tih.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 7:23

Chun, chu nia chun hmun tin, grêp hrui sâng, tangka sâng man umna taphawt chu, buor le hlohlingnei hmun el hung ni tâng a tih.

JEREMIA 2:16

Noph le Tahpanhes thlahai el khawm chun i lua lallukhum chu an sukṭiek el a ni ta hi.

JEREMIA 42:22

Chuleiin, tuhin, chutaka va mikhuol in nuomna hmuna chun, kâwlhnâm le, ṭâm le hripuiin thîng in tih ti hi hre ngei ngei ro,” tiin.

JEREMIA 44:1

Aigupta rama Juda chêng po pohai, Migdola dâm, Tahpanhesa dâm, Nopha dâm, Pathros rama chênghai dâm chungthua Jeremia kuoma thu hung tlung chu,

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:13

Hripui le ṭâmna le kâwlhnâma Jerusalem ka hrem ang bawk khan Aigupta rama chênghai chu ka hrem ding a ni si a;

JEREMIA 46:14

Aiguptaa chun hril unla, Migdola chun puong unla, Nopha khawm chun puong unla, Tahpanhesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.

JEREMIA 46:19

Aw nang naunuhmei Aigupta rama chêng, sala intâng dinga fe dingin incheibâwl rawh, Noph chu râusan nîng a ta, hluotu boin a kâng ding a ni si a.

EZEKIEL 30:13

“Lalpa Pathien chun hieng hin a tih; Milimhai chu suksieng ka ta, Nopha inthawkin milimhai chu intâwptir bawk ka tih; chun, Aigupta rama inthawk hin lal um nâwk ta naw ni hai a; Aigupta rama hin ṭiumna ka sie ding a nih.

EZEKIEL 30:16

Aigupta rama chun mei hung tîng ka ta, Sin chu rinum nasatakin um a ta; Noa chu suksietin um a tih; chun, Noph chu lunginzîngtakin ni tin um a tih.

HOSEA 10:8

Israel suolna Aven hmun insânghai khawm chu suksiet nîng a tih, An maichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

HOSEA 11:11

Aiguptaa inthawk chun chawngzawng angin, Assuriaa inthawk chun vaṭhu angin thla zâp sieu sieuin hung an tih; Chun, an in lum inhluotir ka ta, ti hi Lalpa thu suok a nih.

HOSEA 2:6

Chuleiin, ngai ta, i lampui chu hlingin hruk ka ta, Ama dang dingin dai sak ka ta, A lampuihai chu hmu naw nih.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

ZEPHANIA 1:11

Nangni Maktes hmuna chênghai, inrûm inrûm ro; Kanaan sumdâwngtuhai po po chu hmangna bo an ni ta a, tangkaruo bûk hlaktuhai po po khawm chu sukbohmang an ni ta si a.

1 SAMUEL 13:6

Chun, Israel mihai chun hnawchêpin an um ti an inhriet chun, (mihai chu an lunginzîng ta hle el a) mihai chu pûka hai, chîmbuka hai, lungpui phêna hai, kula hai, khur sûnga hai an inbi a.