HOSEA 9:4 - Pathien Lekhabu Inthieng (BSI)

⁴ Lalpa kuomah uoin chu bun suok nâwng an ta, An thilinhlânhai chu a ta dingin lâwmum ni bawk nâwng a tih; An bei chu lusûnhai bu ang nîng a ta, A fa taphawthai chu sukpawrche nîng an tih. An bei chu an hringna ta ding chau nîng a ta, Lalpa inah hunglût naw nih.

HOSEA 9:4 ပူးပေါင်းရင်းမြစ်များ

FESUOKNA 29:40

Berâmte pakhat le chun beiphit indi epha hmun sâwma ṭhea hmun khat hriek sâwrsa hin hmun lia ṭhea hmun khat chawkpawl, le dâwnmi thilinhlân dingin uoiin hin hmun lia ṭhea hmun khat inhlân i tih.

FESUOKNA 40:23

Lalpa hmaah bei chu indawt thlie hin a sie a, Lalpain Mosie thu a pêk ang tak chun.

ISAI 57:6

Vadung ruom lung innâm lai chun i chanvo a um a; chuong, chuonghai ngei chu; i chanpuol chu a nih, chuonghai ta ding ngei chun thil inhlân dâwn mi i buok a, thilpêk khawm în hlân kha. Chuong thila chun suklungawiin ka um ding am a nih?

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûnpuina nohai chu pe bawk naw ni hai.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlânhai chu pawm a ni naw a, in inthâwinahai khawm chu ka ta dingin lâwmum a ni nawh.

EZEKIEL 24:17

Inthuok huoi la, amiruokchu, inring lovin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

EZEKIEL 24:22

Chun, ka thaw ta ang khan thâwng in ta; in hmûrhai chu inkhum naw ti niu a, mihriemhai bei chu fa bawk naw ti niu.

DANIEL 1:8

Nisienlakhawm, Daniel chun a lungrilin lal bu fâk le a uoin dâwnhai chun ama chu insukpawrche lo a tum tlat a: chuongchun, mitillâkhai hotu kuoma chun ama chu ân sukpawrche naw theina ding kawng chu a hni a.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

JOEL 1:13

Nangni thiempuhai, saiip puon dierkei unla, ṭap ro; nangni maichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhawvârin zâl ro: in Pathien ina inthawk chun beiphit inhlân le dâwn ding inhlân chu khap a ni si a.

JOEL 1:9

Beiphit inhlân dâm, dâwn ding inhlân dâm chu Lalpa ina inthawka sukbo a na, thiempu Lalpa rawngbâwltuhai chu an lungngai a.

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

LEVI DÂN 17:11

“Tisa hringna chu thisena chun a um si a; in hringna intlanna siemna dinga maichâm chunga ka pêk cheu a nih; hringna dinga intlanna siemna chu thisen ngei chu a ni si a.

LEVI DÂN 21:17

“Aron kuomah hril la, ‘I thlahai laia an suonlepârhai lai chena demkai taphawt chun, a Pathien fâk ding thilinhlân inhlân dingin hung hnai naw raw se.

LEVI DÂN 21:21

thiempu Aron thlahai laia mi tukhawm demkaina nei chu, Lalpa ta dinga mei hmanga thilinhlân inhlân dingin a hung hnai ding a ni nawh; demkaina nei a na, a Pathien fâk ding thilinhlân chu inhlân dingin a hung hnai ding a ni nawh.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak si a. I ta dinga mi inthieng a ni ding a nih. Kei Lalpa a sukthiengtu cheu hi kân thieng si a.

AMOS 5:22

Anih, in pumrawhmang thilinhlân le in bu thilinhlânhai chu mîn hlân unla khawm, pawm naw ning a, in inremna ran thâu thilinhlânhai khawm ngaisak bawk naw ning.

MALAKI 2:13

Chun, hi khawm hi in thaw nâwk bawk a, Lalpa maichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

NAMBAR 19:11

“Tu ruong khawm themtu chu ni sari thienglo nîng a tih.

NAMBAR 28:2

“Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

NAMBAR 4:7

Chun, inentirna bei dâwkân chunga chun thlênghai, riminhnik siena thlêngtêhai, thlêngkûmhai le dâwnmi thilinhlânna notung lienhai an sie ding a nih; chun, chatlak loa sie bei chu chutaka chun a um ding a nih;

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

DÂN PAHNINA 26:14

Kan lusûn laiin chutaka mi chu kan fâk naw a, kan pawrche laiin kan sukthâm bawk naw a, mithi puolah kan pêk bawk nawh; Lalpa kan Pathien rawl chu kan ngai zing a, i thu mi pêk ang po po chun kan thaw a nih.