HOSEA 9:15 - Pathien Lekhabu Inthieng (BSI)

¹⁵ An rîtlona po po chu Gilgal khuoah a um a; Chutaka chun anni chu ka theida si a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni si a.

HOSEA 9:15 ပူးပေါင်းရင်းမြစ်များ

INPÂKNA HLABU 78:60

Chuongchun, Silo biekbûk, Mihriem laia a puon in sie chu, a mâksan a.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

JEREMIA 11:15

Thil tirdakumtak chu thaw zing si chun, ka hmangaitak chun ka inah chan ieng am a nei ta leh? Intiemkamna le saserhai chun in sietna ding ân pumpeltir thei ding am a nih? Chuong a ni chun in hlim thei ding am a nih?

JEREMIA 12:8

Ka rochan khawm chu ka ta ding chun ramhnuoia sakeibaknei ang a lo ni ta a; ka chunga chun a râwl chu a mîn suo khum a; chuleiin, ama chu ka theida a nih.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

JEREMIA 5:5

Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, Lalpa lampui chu an hriet si a,” ka ti a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan ta a.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

EZEKIEL 23:18

Chuongchun, a nawchizawrna chu langchangtaka a thaw a, a saruokna a hlîm chun, ka lungril chu amaa inthawk chun ân her a, a unaunua inthawka ka lungril a lo inher ta ang bawk khan.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HOSEA 12:11

Gilead chu rîtlona a ni naw am a nih? Teplo el an ni annâwm; Gilgala chun bâwngchal an inhlân hlak a. Anih, an maichâmhai chu leilet changkuonga Lung dêng khâwm ang el an nih.

HOSEA 12:2

Lalpa chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

HOSEA 4:9

A mipui ni leh, a thiempu ni leh angkhat nîng an tih, An lampuihai lei chun anni chu hrem ka ta, An thilthawhai chu thung ka tih.

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat ta a, Ka hmaihma ngeiah an um a nih.

HOSEA 9:17

Ka Pathien chun anni chu peihâwn a tih. Ama an ngaisak naw leiin; Chuongchun, hnam danghai lai chun invâiin um an tih.

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

AMOS 4:4

“Bethela chun hung unla, bawse ro, Gilgala chun hung unla, bawsietna chu sukpung ro; chun, in inthâwinahai chu tûk tin hung la unla, in sâwma pakhathai chu ni thum dan peiah hung la ro,

AMOS 5:27

Chuleiin, Damaska khaw khêltieng salah infetir ka ti cheu,” Lalpa, a hming sipaihai Pathien chun a tih.

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheilovin sala manin a um ding a ni si a; Bethel khuo chu teplo hung nîng a tih.”

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 6:5

Aw ka mihai, Lalpa thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima inthawka Gilgal chenin thil umziehai kha, tuhin hre zing ro.”

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

ZEKARIA 11:8

Chun, thla khat sûngin berâmpu pathumhai chu ka pei thlâk a; ka lungrilin anni chu a nghawk a, anni lungril khawma kei an mi nghawk bawk si a.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

THILTHAWHAI 5:21

Chun, chu thu chu an hrietin khawvar hun vêla chun Pathien biekinah an va lût a, an inchûktir a. Nisienlakhawm, Thiempu Laltak le a ruolhai chu an hung a, rorêltuhai le Israel thlahai upahai po po an ko khâwm a, tirkohai chu hung inṭhuoitir dingin intângna ina chun mi an tir a.

JOSUA 10:43

Chun, Josua le Israel mihai po po chu Gilgala an riebûkah an kir nâwk ta a.

1 SAMUEL 7:16

Kum tinin Bethel le Gilgal le Mizpa hi a kan vêl hlak a, chuong hmunahai chun Israel mihai ro a rêl hlak a.