HOSEA 9:12 - Pathien Lekhabu Inthieng (BSI)

¹² An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

HOSEA 9:12 ပူးပေါင်းရင်းမြစ်များ

2 LALHAI 17:18

Chuleiin, Lalpa chu Israelhai chunga chun a lung a sen ta êm êm a, a mithmu phâk nawah a sawn hmang dai ta a; Juda hnam chau naw chu um an um ta naw a.

2 LALHAI 17:23

chuonghai chu Lalpain a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi ta a, tu chen hin chutaka chun an la um ta zing a nih.

JOB LEKHABU (THE BOOK OF JOB) 27:14

A thlahai an hung pung chun, kâwlhnâm ta ding el an nih; A chithlahai chun khawp tâwk bu nei naw ni hai.

JEREMIA 15:7

Chu ram dai kawtkhârahai chun anni chu hmaizâpin ka zâp a; an nauhai chu ka lâk hmangpêk tâwl a; ka mihai chu ka suksiet ta a; an lampuihaia inthawk chun an lamlêt chuong nawh.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

ṬAP HLA 2:20

En ta, Aw Lalpa, ngai ta, hienga an kuoma i thawnahai hi! Nuhmeihai chun an rîla ra, naupanghai, kuta tâwma umhai chu, an fâk el ding maw? Lalpa hmun inthienga chun zâwlnei le thiempu chu that an ni el ding maw?

ṬAP HLA 2:22

Inkhâwmpui hunbi neihai nia angin, “Ka lunginsenna chu kil tinah,” tiin nang chu i khêk a, Lalpa lunginsenna nia chun a pumpel amanih, a um zing amanih tukhawm an um nawh: Ka tâwm a, ka dawn tleihai chu ka hmêlma chun a sukbohmang zo ta a.

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

HOSEA 9:13

Tura ka hmu ang bawkin, Ephraim chu hmun inhawitaka siein a um a, Nisienlakhawm, Ephraim chun a nauhai chu thattu kuomah la ṭhuoi a tih.

HOSEA 9:16

Ephraim chu vuokin a um a, an zung chu a vuoi zo tah, Ra insuo naw ni hai; Anih, insuo hai sien khawm, an sul ra ditumtak chu That tho tho ka tih.

MALAKI 2:12

Lalpa chun hi thil thawtu, inchûktirtu le a închûktir chu, Jakob puon ina inthawk sât thlâng a tih, sipaihai Lalpa kuoma thilinhlânhai inhlântua inthawk le chun.

NAMBAR 14:34

Ram in va enthlâk ni zât; ni sâwmli chu, ni khat aiah kum khat pei, kum sâwmli sûng zet in bawsietna chu tuor phâng in ta, chuongchun, ka lungni nawzie hi hre tâng in tih.

NAMBAR 26:65

Lalpa chun, “Thlalêrah an thi ngei ngei ding a nih,” a lo ti ta leiin. Jephunne naupa Kaleb le Nun naupa Josua chau naw chu tukhawm a dam an um ta nawh.

DÂN PAHNINA 28:18

In rila ra dâm, in hnuoi ra dâm, in bâwngpui le in berâm ruol punghai chu ṭawngsephurin um an tih.

DÂN PAHNINA 28:32

In naunuhmeihai, in naupasalhai chu hnam danghai pêk nîng an ta, sûnnithlâkin anni chu ngaiin thlîr zing hlak in tih, in thlîrnân in mithai chu châu a tih; iengkhawm thaw thei in nei âwm si nawh.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

RORELTUHAI 4:16

Barak chun tawlailîrhai le sipaihai chu Jentailhai ram Haroseth chenin a hnawt a; chuongchun, Sisera sipaihai po po chu kâwlhnâmin an that vawng a, pakhat khawm dam an um nawh.

1 SAMUEL 16:14

Lalpa thlarau chun Saula chu a suoksan a, Lalpa tir khawhriin ama chu a sukbuoi a.