HOSEA 9:10 - Pathien Lekhabu Inthieng (BSI)

¹⁰ Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

HOSEA 9:10 ပူးပေါင်းရင်းမြစ်များ

1 LALHAI 16:31

Chun, Nebat naupa Jeroboam suolna ang thaw ve dâm chu ienga khawm ngailo ni âwmtakin, Zidon mihai lal Ethbaal naunu Jezebel nuhmeiah a nei a; Baal rawng dâm bâwlsanin a biek ve ta el a.

2 LALHAI 17:11

chuong bâwlhmunhai po poa chun Lalpain an hmaa a hnawt hmang tahai thaw dân ang khan riminhnikhai an raw hlak a; Lalpa suklungsenna dingin thil suoltak an thaw bawk hlak a.

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

ISAI 28:4

an mawina ropui pâr ṭuoi mêk, ruom ṭhatakin a khum chu, nipui hmaa theichang hmin hmasa tak, a entuin a hmu a, a kuta a um phinga a fâk zo el hlak ang chu nîng a tih.

JEREMIA 11:13

Aw Juda, i khawpui ni zât ang pei el chun i pathienhai chu an um si a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 24:2

Leikhâwr pakhata chun theichang ṭhatak tak el, theichang hmin hmasa ang kha a um a; leikhâwr danga chun theichang setak tak el, fâk thei lo khawpa sie chu a um a.

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo ta a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 31:2

Lalpa chun hieng hin a tih, “Mipui kâwlhnâma inthawka suokhai chu thlalêra khan lunginsietna an hmu a; Israelin châwlna a zawng lai chun,

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

EZEKIEL 20:8

Nisienlakhawm, ka chungah an hel a, ka thu an ngai naw a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk naw a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bunthlâk ding a nih,’ ka ti a;

HOSEA 11:1

Israel chu a naupang lai huna inthawk khan ka hmangai a, Aigupta rama inthawkin ka naupa dinga ka ko suok a nih.

HOSEA 13:5

Ram ṭâwl nasatak, thlalêra inruolpui hlak che kha ka nih.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

HOSEA 4:14

In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchizawrhai leh an fe pêt a, Nawchizawrhai leh an inthâwi hmunkhat si a; Chuong chun, hrietthiemna nei lo mipuihai chu tlusieng an tih..

HOSEA 4:18

An zu dâwn chu an ṭîn a, nawchizawrah an insiem a, An ropuina nêkin thil inzapuium chu an ngaina lem a.

AMOS 4:5

chawl ṭhang lâwmthu hrilna inthâwina chu inhlân unla, mâni nuomzâwnga inhlânhai chu hril unla, puong ro; Aw Israel nauhai, hi hi in nuom sih a,” Lalpa Pathien chun a tih.

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

NAMBAR 15:39

chu rei chu in en hlak a, Lalpa thupêk po po in hriet zinga in zâwmna ding le nawchizawra in um hlak anga in lungril dit zâwng le in mit la zâwng hnawta in um nawna dingin le,

NAMBAR 18:13

An loa ra hmin hmasa tak Lalpa ta dinga an hung lâk chu i ta nîng a ta, i ina mi inthieng po po chun fa thei an ta,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.

DÂN PAHNINA 32:17

Pathien ni lo, khawhrihai kuomah an inthâwi a, An hriet ngai naw pathienhai kuomah, Vaihnurama um chau pathien tharhai, In thlatuhai iṭi ngai lohai kuoma chun.

DÂN PAHNINA 4:3

Baal-peor leia Lalpa thilthaw chu in mitin a hmu a; Baal-peor betuhai po po chu Lalpa in Pathienin nangni laia inthawkin a sukbohmang a.

RORELTUHAI 6:32

Chuleiin, chu ni chun Gideon chu Jerubbaal ti a ni ta a, chu chu, “Baal chun ama khing raw se” tina a nih, Baal maichâm a sukchim lei chun.