HOSEA 9:1 - Pathien Lekhabu Inthieng (BSI)

¹ Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina si a.

HOSEA 9:1 ပူးပေါင်းရင်းမြစ်များ

INPÂKNA HLABU 73:27

Ngai ta, nangma hlata umhai chu an bohmang ding a ni si a, A uiret santu taphawt che chu i sukbohmang ta a.

ISAI 17:11

i phun ni chun în huon vêl hlak a, zîngkâr chun i thil chi chu i sukpâr hlak; nisienlakhawm, a ra lo chu lungngaina le natna nasatak nia chun a bo el hlak.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

EZEKIEL 16:15

“Nisienlakhawm, i hmêl ṭhatna chu i ring a, i hming inthangna lei chun nawchizawrah i um ta a; nangma hung khêltu taphawthai chunga chun i châkna chu i phal a; ama ta a ni ta a.

EZEKIEL 16:30

Hieng thil, nuhmei châk tawm tawmhai sin i thaw hi hmuin, ‘I lungril chu a va khawhlo de!’ Lalpa Pathien chun a ti a nih.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

EZEKIEL 21:10

A that a that theina dinga tâtngei a na, Kâwlinlep ang a ni theina dingin nâwttlêt a ni bawk a! Hlimna ei la siem rawp ding am a nih? Ka naupa hmawl chun thing tinhai chu a hung hmusit a.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

HOSEA 5:4

An Pathien tienga nghakîr dingin, An thil thaw hlakhai chu an bânsan naw a; Nawchizawr lungril anni lai a um si a, Lalpa chu an hriet naw a nih.

HOSEA 5:7

Lalpa chungah vervêktakin an thaw a nih; Hnam dang nauhai an nei si a; Thla thar chun an lohma chen leh bohmangna intlun a tih.

AMOS 3:2

“Nangni chau hi khawvêla sûngkuo po po laia ka hriet in na; chuleiin, in khawhlona po poahai chun hrem ka ti cheu.

AMOS 4:5

chawl ṭhang lâwmthu hrilna inthâwina chu inhlân unla, mâni nuomzâwnga inhlânhai chu hril unla, puong ro; Aw Israel nauhai, hi hi in nuom sih a,” Lalpa Pathien chun a tih.

AMOS 6:13

nangni iengkhawmlo chunga lâwm a. “Eini hrâtnain a ni nâwm a ni kihai ei lâk?” tituhai.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

JAKOB 4:16

Nisienlakhawm, in uongnahai hi in suong lem si a; chuong ang suongna po po chu suol a nih.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.